從前, 在那遙遠的地方, 有一個撒旦幫...今日我終於闖入組織的秘密基地, 一嘗首領寶坐滋味! (餐廳2011年已經有, 遲咗4年先嚟, 真覺得有啲褺瀆神名)
當年因為紀念幪面超人40週年, 所以於池袋開設主題餐廳, 過去7年從未再到過日本的我, 所以上星期一落機, 放低行李後, 就即時去探偶像.
對於幪面超人迷來說, 主題餐廳有氣氛, 但令人心跳的震撼影相位則不夠多...(當然, 比起香港一風堂的偽幪面主題已經好過多多聲)
1:1 的幪面超人1號, 2號屹立在寶坐兩旁, 不過卻慘遭密封上玻璃, (都唔一定要誇張到31名超人全員排排企, 最起碼榮光7人眾有齊, 都唔係好過份啫!)
好彩有戲服可以借用, 一家三口變態家族又可以不停發花癲.
囝:「壞人先坐架張凳, 我唔坐...(電影入面Decade都有坐過喎!), 好似又係喎」(阿囝, 嘰嘰先係最長青嘅角色呀!)
食物方面就一點也不馬虎, 起碼大部份都化身成超人模樣.
(難得嚟到, 我當然只叫最似樣的幾件嘢食啦)
漢堡肉造眼, 生菜做咀的一號大頭飯,
雖然出來效果沒有餐牌的神似, 但起碼從未見過, 我就當寶喇. (其實個飯都幾寡吓!)
生菜下有一個溫泉蛋, 算是可以為齋飯調劑一下.
(不過對一個幪面迷來說...生菜咀可唔可以舖得靚D呢吓?)
超人怎可以單打獨鬧, 好搶眼的555蛋包飯, 還要配合紅碟的加速型態, 這個就似到爆炸!
Fourze 芭菲杯又似又好玩...店員走來跟阿囝對話...一頭霧水的小朋友拉我一齊聽...原來店員想和他一起大叫劇集中的變身術語...
「宇宙キター」的招牌動作, 整間餐廳還大聲播放變身音效, (真係每個人都知我食緊Fourze 芭菲...嘩!好正呀!!)
可惜阿囝看慣TVB版...他只識叫:「宇宙我嚟啦!!」(都叫你一早睇原裝日文版架啦)
Fourze朱古力蛋糕, 車厘子做眼, 放在忌廉, 粟米片, 慕斯甜品杯上...事後老婆說:「其實同原宿Miffy嗰杯根本一模一樣, 只係換咗個頭」(咁又係喎)
最後還有似到出神的W熱香餅, W本來就是一邊綠色, 一邊黑色, 綠色用綠茶味慕斯, 其實黑色應該用黑朱古力慕斯, 那就更加完美啦.
想不到餐廳也有不少女性進餐, 而且她們亦不是如阿太的對幪面一曉不通...起碼她們可以講得出那個超人還那個超人喎.
看來永久的主題餐廳, 展品及主打食物真的要不時更新,
可能我想有大量動輒炒價過萬的懷舊玩具陪著食晚飯吧!
KAMEN RIDER THE DINER
地址：東京都豊島区西池袋1-21-9 パセラリゾーツ(PASELA RESORTS)池袋本店4F
電話：0120・025・296
營業：11:30 ~ 23:30
JR池袋駅西口一出轉右, 發現派出所, 及松屋牛肉飯, 一直行, 大約30秒後便見到PASELA RESORTS, 入電梯按4字.
沒有留言:
張貼留言