家住旺角, 也不知道前身是豐澤,
之後變成25層高大廈的彌敦道726號, 竟然全楝都是食肆!! 今晚我們走到7樓「樂農」食齋.
管理員叔叔:「全楝大廈開得最耐就係樂農,
差唔到有一年」(我連樂農係專請弱聽人士的社企, 仲有三間分店, 都係睇餐牌先知...真老套)
這裡中午有三餸糙米湯飯餐（$45）, 可惜晚上就只有小菜, 對於胃口細的家庭來說...早知多叫幾位朋友來飯局啦!
(咁少人好難點餸)
餐廳標榜少油, 少鹽, 少糖, 低脂, 無添加, 所以食完晚餐舌頭一點也沒有投訴...
只是有小朋友一邊喝椰子雜豆湯, 一邊說:「點解無味嘅?」(可能你飲得太多濃味湯啦!!
老友)
生菜包有我最愛的松子($78), 另外就是豆腐乾, 蓮藕粒, 三色椒, 如果可以加入少少菠蘿,
蛋粒粒, 豆角, 素叉燒, 應該會好食好多.
樂農經理Andy:「其實我哋同龍耳合作,
幫手培訓他們的會員當樓面, 不過廚房則暫時未有聘請弱聽人士」
縱觀今晚情況, 我全不覺得任何一位工作人員似有聽力問題, 因為我所有說話都只需說一次, 不用重複, 更加沒有出現落錯單現象喎.
相反我家小朋友, 我對他說甚麼, 他第一句必定說:「咩話?」, 情況維持了年多, 我很懷疑他聽覺才有問題.
今晚全場滿座, 而我發現幾乎每枱也點了這個淮山雜菌糙米飯. (我當然也不執輸啦～)
原個大大蒸籠, 內裡放滿松草, 雜菇, 淮山粒...其實$68足足是4人份量, 餸料又多, 糙米飯又有營養...不過...
對於一位不太健康的我來說, 連續三樣食物也是超少鹽,
少糖...我的舌頭雖然沒有被味精侵襲,
不過又開始太乖而變得口淡淡...(真係幾曳)
幸好我們最後點了香口的炸餃子...流沙蕃茄及薯蓉, 正所謂健康都不能一下子全蒸燜烤燉焗吧!! 小小熱氣絶不過份啦...
可能餐廳也怕有人投訴煎炸食物不健康, 所以隨煎餃附送上湯, 第一次食鍋貼伴湯, 今晚真的食得健康又有營.
樂農食物絶對健康, 只是我仁不健康, 最後我將吃剩的飯, 及生菜包餡料, 拿回家做宵夜...我忍不住加入泰式辣醬及腐乳來吃. (真係勁正!! 不過阿太話:「唔識寶...又要學人食得健康」...咁一餐健康, 一餐唔健康囉)
樂農
地址：旺角彌敦道726號7樓
電話：25688181
大仁生活facebook
沒有留言:
張貼留言