2015年9月10日 星期四

【4大之最】TOKYO DOME CITY千奇百趣

日本東京巨蛋後樂園, 原來如此多Fun, 其實用一篇網誌來描述, 真有點走馬看花...



【最有秩序的購票】
話說當日中午東京巨蛋應該有捧球比賽, 所以早上我們到達時, 地面已經有一行行的凳仔, 及報紙. (好明顯就係排隊黨買飛的情況!!)



我對囝說:「日本人幾有文化, D廢紙貼係地, 只係寫, 排隊日子, 想買幾多張飛, 就行咗去」囝:「可能佢哋去咗廁所呢」(!咁你都諗到)


【最大堆頭SHOW

其實,  今日走到後樂園, 主要目的是來看幪面, 戰隊真人SHOW, 我從來沒有估計到看真人Show如此大陣仗.


阿囝一入場就已經發癲大叫:「嘩!咁多戰隊, 齊晒幪面超人, !!!(我都O晒嘴, 以為發緊夢).


這個夏日祭的展覽, 似十足金裝賀歲片一樣, 阿太:「我無介紹錯啦!好彩我一早叫高橋幫我哋買飛咋」


(我話好彩我突然想早啲嚟就真...今日真係開心過去迪士尼樂園多多聲)


解釋一下: 因為真人SHOW門票需要劃位, 前排十行已經一早售罄, 我們2800就是中價票, 自由席(最後排)是即場門卷, 1900日圓, 大量吉位剩.


即是1900日圓就可以入場集郵及睇表演, 我是忠粉, 當然覺得抵啦!



今日阿囝主動叫我拍照的次數是有史以來最多的.(平日我要死氹爛氹, 或者偷影呀)


幪面超人只是由「平成」年份開始排排企在一起, 這是阿囝最熟悉的, 因為我年代的...好像只有一號在另一邊. (無辦法, 一睇就知這個場是主攻千禧後的小老闆啦)


除了大量單人匹馬的超人外, 還有一個個獨立的戰隊情景, :「烈車戰隊呀!你個超合金呀!(...我唔捨得玩, 但就被人大大力的結合又分體了幾次...肉都痛)


我當然都要化身戰隧成員之一, 現場所見的日本爸爸媽媽都後年輕, 可能我是全場最老, 又要不停合照的唯一一位阿叔喎,


1994年的忍者戰隊, 之後斷斷續續都有多隊以忍者為題的戰隊出現, 而今年2015的手裏劍戰隊又再玩忍者...(老實講睇戰隊真係睇到有少少厭)


有今年的戰隊, 當然有今年的幪面超人, 而且特別有一個坐駕給你坐上去合照, 永遠都是做當年的超人最著數. (有啲似香港小姐一樣咁)


打從2011年的爆紅了「高護木的規」的一隻「Maru Mori片尾舞」, 之後不少劇集, 特撮, 動漫都紛紛加入片尾舞...今年的手裏劍戰隊也不例外. (囝只得個望字, 因為他只愛看配了音的TVB三年前戰隊)


當我想繼續拍照之際, 緊張大師阿囝發現有人排隊入場, 便非常着急的拉我:「入場啦...入場啦...你仲影, 唔畀你入啦」(我哋劃咗位, 唔駛咁心急都得嘅)


日本人就是很有賺錢的頭腦, 明知你想近距離接觸偶像, 於是便在SHOW後攪一個握手會, 怎樣才可以和一眾偶像握手呢? 購買任何指定玩具就得啦.


不過, 都算日本人有良心, 因為只要買一件玩具, 全家也可以總動員齊齊握手...(如果事情發生在香港, 想同Big4握手, 可能要買4件貨品, 一家三口齊齊握, 應該要買12件都似)


阿囝不知多興奮, 他問:「佢哋係真㗎 (幪面超人)? (講日文架喎, 仲有假?), 係喎」, (這位童真即將消逝的小朋友, 開始疑問香港的Cosplayer是假幪面超人喎...)


今日Wizard和他「Give Me Five, 他不知多雀躍, 講完又講, 他問媽媽:Wizard有冇同你Give Me Five? (阿太搖頭), 佢鍾意我呀! 所以同我握手又Give Me Five


PS: 我自己同公仔扮合照握手~(無聊的我, 唔捨得走!)

【最進撃的上下情景】
2015/07/1809/23 東京巨蛋設有進擊的巨人密室遊戲, 只怪我沒有預先做好功課, 全日票¥4600任玩, 開放至晚上10...


因為不想打亂行程而放棄入內. (講真一家三口¥13800都幾貴, 而且我又唔知玩咩), 所以就在大門口與上下兩層的巨人與手拍拍照便算.



【最嘻哈大笑兒童玩水世界】
「わくわく!ウォーターガーデン」兒童玩水樂園, 因為只是開放至831, 所以如果大家有興趣, 可以重溫詳盡介紹6大遊戲設施任玩的網誌:http://www.24parent.com/?p=20142



日本東京巨蛋城TOKYO DOME CITY
地址:東京都文京區後樂1-3-61
交通:乘坐JR中央線、於水道橋站下車後,步行約10分鐘即到。
地址:東京都文京区後楽1-3-61
官網:東京ドームシティ



大仁生活facebook

沒有留言:

張貼留言