四位年輕人, 2年前於油塘創業, 兩個月前搬過來九龍城，命名Oslo Cafe重新出發.
(咁油塘點算?), Philix:「無做啦!! 嗰度都無乜人行, 梗係E度好啲啦」 (係囉...今日我仲帶埋毛毛嚟攪攪震添!!)
我找Philix推介必點食物,
Philix:「一鹹一甜啦, 玉子野菌煙肉卷, 及榴槤多士盒, (我唔食榴槤架喎), 我都唔食, 但信我, 好好食!!」(吓??係米㗎...)
原來店主推介的煙肉卷, 正正就是近期大熱的梳乎蛋,
這個由老闆之一的Kim一年前研究出來的.
阿Kim選擇煙肉也花了幾個星期,
「因為要揀啲無咁肥嘅, 試都試咗6, 7種架」.
阿Kim說:「步驟最難就係打蛋, 因為滑啫啫, 好多時瀡走咗, 所以又要兜返上嚟」
(咩靈感你會諗到整E味餸?)在旁的女同事搶答:「佢為食囉...(不過佢咁瘦喎...),梗係啦, 佢試少少, 就塞晒畀我哋食, 肥晒係我哋度」
Kim接口:「我都想食, 不過無時間咋...」之後阿Kim便非常熟練的打蛋...我問:「咁E家係米食得喇? (未...都無焗, 點食呀)」(我真係全無煮飯Sence)
梳乎蛋卷上枱真的有點「在森林和原野」的感覺. (點解我覺得好似四舊被斬的大樹樹腳喎!)
用刀一鎅開梳乎蛋, 雖然半熟蛋黃未至於如泉湧,
但仍然半澎湃式浸沒包圍的煙肉, 情況感動過聽羅生門三部曲呀!
包住野菌菇, 及紅蘿蔔的野菌卷, 阿Kim解釋:「咁樣配搭覺得口感唔同咗,
而且又無咁漏」(係又腍又爽, 幾鬼得意嘅)
仁生第一次食榴槤, 我對Philix說:「我嘅第一次就奉獻咗畀你...」. (近期瘋狂迷戀「Vs嵐」的阿囝, 更加說:「哥哥好似松本呀!!」) ~即時嚇得Philix尷尬說:「唔係麻...咁激??」
Philix笑不停答:「乜我有咁靚仔咩? 我都係唔榴槤, 但都幾鍾意食舖頭嘅榴槤多士盒, 因為我哋考慮唔食榴槤嘅顧客, 所以將金枕頭打成Cream, 味道就會輕咗」
(吓!咁你唔驚榴槤粉絲嫌味道唔夠咩?), Philix指:「唔會!鍾意嘅人一定都會鍾意, 因為榴槤味一樣可以慢慢「嗒」出嚟. 」(如果太濃, 我真係頂唔順)
這裡的多士盒不是用普通方包, 而是特別用丹麥酥, (一睇就知成本貴過方包好多啦), 食落口當然又輕又鬆又與別不同.
綠色椰糖絲配香蕉乾, 榴槤乾...我自己都奇怪:「點解我可以食得落榴槤嘅?」阿太不停說飽, 但就兩球榴槤雪糕, 榴槤乾, 榴槤忌廉完全KO了...
我沒有吃榴槤雪糕, 因為依然受不了那味道...但佔滿榴槤忌廉的丹麥酥我又可以徹底放入肚喎...
PS: 今日的毛毛衫是SY主動要求著, (我無迫佢架), 反而阿太想阻止也遭反抗...(鬼咩...阿囝著咗件衫, 同場不少食客都讚佢「得意」, 囝梗係開心...其實作衫$99蚊真係抵)
玉子野菌煙肉卷 $58
榴槤多士盒 $118
地址：九龍城南角道15號地舖（顯示地圖）
營業時間：12pm – 12a m (星期二至日；逢星期一休息)
查詢：2811 9926
沒有留言:
張貼留言