「杜如風食過架」六個字一出, 即時變名牌必要朝聖...東京攻略第三集介紹的雪糕菠蘿包, 變種來到旺角, 沒理由不去試吧!
食菠蘿包絶對要新鮮熱辣辣食, 今次的冰火糖霜蜜瓜味菠蘿包,
上枱時還附上鐵板托底, 估計一定熱辣辣「無走雞」.
三款Mövenpick雪糕, SY不用想一定是朱古力, 我就要靚靚, 所以一定揀士多啤梨.
(其實28蚊都幾鬼抵)
店員問:「外賣定係度食? (外賣無咗個鐵板...梗係堂食啦), 堂食每人最低消費$35,
(即係點呀?), 點多杯嘢飲就得」(全店飲品都係$35, 點解檸茶會貴過雪糕同菠蘿包??)
廚房有兩位店員合力為我們製作菠蘿包, 不過, 我一點也不覺得那菠蘿包熱辣辣的感覺...(同正宗涉谷版分別好似好大)
結果, 大約3分鐘左右, 我們的雪糕菠蘿包來了...我叫囝:「你小心個鐵板好熱呀!」, SY答:「邊度熱呀?」(我摸一摸, 真係凍㗎喎...咁畀個鐵板我做咩呢?)
我問SY:「咁大個包點食好呀?」SY答:「分開佢囉」(小朋友唔夠力, 切嚟切去都攪唔掂, 於是我就幫佢切)
刀一落, 又硬又脆又散...(我覺得似隔夜, 多過新鮮熱辣), 或者日本人愛吃硬硬的包配軟雪糕的組合吧? (我一定是太保守, 太OUT)
不要以為6歲小朋友不懂吃, 他可以整個朱古力雪糕, 忌廉KO後, 剩下大半個散散碎碎的包對我說:「我好飽喇」(又係嘅..個包硬到鎅口, 我都唔想食啦)
凡事又不可以太刻薄, 就當$28食一球Mövenpick雪糕, 雖然我又覺得士多啤梨酸味搶了甜味...但朱古力又確實幾好食.
我問女店員:「熱檸茶可唔可以Refill?」溫柔的她回答:「唔好意思, 茶就唔可以, 但你介唔介意要杯熱水?」(好呀! E度啲女店員態度真係唔錯, 唔該晒...)
其實, 同場我發現有兩枱自由人都是兩人共吃一份鐵板雪糕菠蘿包...不過, 可能我太老實, 又或者81Ban太禮待自由行吧!
(來生識揀要做日本人, 食正宗日本雪糕菠蘿包, 起碼我見杜如風食得軟腍腍,
我就食到個口損晒)
Melon Ice Cream Bread $28(任何口味)
81Ban Japanese Deli
地址 / 旺角亞皆老街8號朗豪坊4樓12號鋪
沒有留言:
張貼留言