我終於明白何謂「選擇困難症」, 一個Food
Court, 6間食肆, 超過80款食物...(走到餐牌面前, 真係多到有D驚)
觀塘工廈, 上個月新開一間超強選擇的Food
Court, 我當然不放過「踩場」機會...(嘩! E度開朝7晚7, 我傍晚5點幾嚟度, 輕輕鬆鬆任坐...工廈飯堂就係有咁嘅好處)
一個人, 下午茶尾聲...(其實都算提早食晚飯), 想了又想, 終於點了我由細到大, 最有感情的鴨腿湯飯.
(從前每個星期日, 例必跟爸媽到新光飲茶, 一定來一碗鴨腿湯麵...後來食慣了, 侍應一看到我, 不用叫~也自動送來一碗)
紅雙喜的鴨腿湯飯也有當年8成的味道, 正當我左影右影之際, 他們的肥師傅走過來問我:「好奇怪你會叫鴨腿湯飯, 我哋出名食小炒...」
(係咩? 我唔知喎, 但我一個人, E家點食多個小炒呀?) 肥師傅建議:「鍾唔鍾意食餃子? 煎幾隻你試下?」(好呀!好呀!我最鍾意食餃子)
從事飲食超過廿年的肥師傅:「今日白菜靚, 所以只係得白菜, 你有冇問題? (梗係無, 我最憎韮菜, 食完個口臭到死)」
(下午茶時段, E度咁靜嘅?) 肥師傅緊張說:「每日午市, 我真係做到打仗咁, 抖都無得抖架, 好得人驚」(好彩我今日唔係中午嚟啫!)
煎餃汆水前要先揻實, 煎時要少油, 肥師傅:「其實, 煎餃仲難過小炒, 我都仲學緊」(吓?你咁謙虛...好過我連公仔麵都唔識煮)
肥師傳教路:「記得一定要點蒜蓉醋, 南方人就唔興, 但好精髓, 信我!」(大廚秘笈梗係信你啦)
怎知道食物好食與否呢? 就是當你好飽, 依然會食不停口, 越食越有靈魂出竅的感覺的時候. (早知頭先唔食咁飽啦)
轉過頭, 肥師傳又遞上一碗蓮藕章魚赤小豆:「冇味精架, 幾飽都要飲埋佢呀!」
千真萬確這碗湯真的沒有味精, (好少可...我條脷DD麻都無, 簡直要直豎母指)
大廚身形龐大, 我估肥師傳一定喜愛食, 誰知他答:「食就麻麻地, 我鍾意飲可樂, 所以先攪成咁咋...」(死啦!! 我都好鍾意飲㗎)
最後遇到Food N’more的顧問Marcus, 他與肥師傳興奮談論, 今日Food Court破了記錄, 我八封又搭訕:「咩記錄呀?」
Marcus笑笑口對我說:「我哋開咗一個月, 今日入場人次最多, 超過1500人呀! (不過你哋咁早閂呢?),
我哋9月可能會試開埋晚市, 但要再度一度囉」
如果真的有晚市, 我要約朋友再來一次過試盡六間食肆的招牌菜先得喎.
Food N' More 食民營
地址 / 觀塘開源道55號開聯工業大厦A座地下
營業時間 / 星期一至六7am-7pm(星期日休息)
沒有留言:
張貼留言