【破天荒!! 生果薯片】柑‧蕉‧桃~雜果薯片大測試!

薯片又有新攪作!! 今次又是「湖池屋」,  薯片CrossOver生果, 本來罪大惡極的薯片, 簡直變到健康食品一樣. (自己呃自己真係好容易架!!)

今日我又去樂駝柒, 本來只打算聊聊天就走, 誰知黃小姐說:「喂!生果薯片, 上個禮拜返, 日本仔話好鬼Hit, 試唔試吓?」(生果味嘅薯片聽都未聽過...梗係試啦)

黃小姐大力推介:「我尋日試咗包香蕉, 真係幾好食...(得香蕉, 柑, 同桃咁少味?), 日本都係出咗三款味咋喎」(點解唔出齊士多啤梨, 蘋果, 橙呢??)

我付款時黃小姐又講:「個日本仔話三包溝混一齊食, 就係雜果咁喎, 你今晚返去試下.」(咁正?? 雜果薯片, 講到咁吸引, 一定快快試)

一回到家, 阿太見到我三包薯片便說:「出咗個幾月啦,  你E家先試, 人哋話香蕉好難食喎...」(你哋講喎, 你試過未吖?)

一打開三包薯片, 柑味的氣味似十足朱古力橙餅一樣, 而桃就是三款當中最香, 香蕉就十足香蕉乾的味. (總知三包都好鬼香)

味道方面, 最最最好食一定是桃, 又清又甜, 柑味其實也不錯, 但帶有少少酸, 香蕉是三隻味道當中, 最悶又不特別的一款. (今次阿太又無講錯喎.)

三款味道一齊食, 有沒有變成雜果味呢??? 學阿囝話齋:「米一樣??有咩分別??咁一樣都無辨法㗎???」(原來小朋友唔Like甜味薯片...)

生果薯片每包$9

PS: 樂駝柒正有「神」「京」「板」地元草餅推介...有時間可以去順便睇睇.

觀塘開源道60號駱駝漆大廈第3期1樓N室

樂駝柒

大仁生活facebook