2015年8月7日 星期五

【花花字宙】$88甜品自助餐 ~ 小童仲半價添 ~ 抵!抵!!抵!!!

阿囝一去到餐廳:「點解張枱畫花晒??」店員說:「唔似字宙銀河系咩? 我哋師傅每日都畫個花花字宙出嚟, 啲蛋糕仔就係星球囉」(咁我食咗地球, 定係火星呢?)


話說前幾天, 約了朋友5點才到九展玩Kitty Game Master, 但之前百無聊懒怎算好? 於是就決定與SY歎歎下午茶.



上網發現觀塘apm旁邊, 有間工廠大廈, 竟然有任食甜品自助餐, 大人$88, 小童半價, (救命呀!! 平成咁, 唔去Hea兩個鐘, 都對唔住自己)


除了價錢平, 這裡另一賣點便是「甜品」變「星球」, 一粒粒舖在3呎長的花花字宙甜品枱上, 化成銀河系.


本來我訂位時就問:「請問師傅幾點開始畫銀河系呀?」店員答:「自助餐3點半開始, 師傅大約3點左右就畫枱, 你可以到時嚟影相」(一於咁話啦!!)


不過, 我們兩父子實在太「滋油」, 到達餐廳時已經是15:15, 原來15分鐘已經足夠整個銀河系完成了一半....(哎呀!師傅點解會咁快手?)


我們到場時, 店員已經將數十件小蛋糕, 不停變身「星球」舖上銀河系....而自助餐時間「搭正3點半」就正式開始.


大家都被銀河系所吸引, 全部主攻小蛋糕...(炸一聲...幾十件小蛋糕即時被清...心諗:「唔係就咁就食完呀?)


不過, 未夠兩分鐘, 店員又再出來重新舖出完整的銀河系, (而且2小時都舖得幾密吓)


我問店長Suki:4款小蛋糕, 次次都係朱古力最快被清?, 好好人的Suki:「係呀...朱古力最多人食, 其實我哋成日轉款, 好似檸檬係今日新出」


最搶眼是紅菜頭吉士, (其實我真的以為紅菜頭係咸食喎). 個人覺得果仁芝士餅最遜色...


這裡有不同的杯裝甜品, 被稱為限量款...(雖然是一次性拿出來, 但其實數量也很多, 因為大家排隊接過甜後, 還有十杯八杯剩


今日杯裝甜品排名, 1) Tiramisu, 2)綠茶慕絲, 3)燉蛋, 4)奶涷. (老實講...每杯當$15, 阿囝已經抵返晒)


十多樣食物中, 鹹點有四款, 雞卷, 香草蕃茄多士, 吞拿魚餅, 沙律通粉...如果食得甜點多...點綴一下也算不錯, 但其實飲杯熱水一樣可以中和的.


(成日都咁多人㗎?) Suki:「平日算好啲, 個個周末多人多到無位㗎, 同埋我哋淨係做7, 8月咋」(!好彩我今日嚟啫...)


全場最不平凡的就是分子料理椰汁闊條麵, Suki推介:「你一定要試呀!!(有啦...我做定功課先嚟㗎) (椰汁我都係鍾意飲多啲, 蒟蒻混乳酪爆珠先至正)


Suki又說:「有冇食棉花糖?(?成日食喎...有咩特別)..唔同㗎, 我哋加咗士多啤梨汁」(可能愛酸酸甜甜的人鍾意, 但我就麻麻地)


眼闊肚窄的我, 雖然全場大約只有15款食品, 但我只試了一半已經飽到不得了...


朋友問:「抵唔抵食先?(100蚊唔駛, 又包嘢飲, 雖然嘢食唔算多, 但齋食限定杯, 同銀河Mini Cake, 都抵返晒啦!!)


下午茶甜品自助餐 
價錢:$88 (包一杯飲品) 
日期:即日至831 
時間:3:30pm-5:30pm 


魔膳工房: 觀塘開源道77號業發大廈一期2D 
電話 : 39551460

 


沒有留言:

張貼留言