網頁

2015年8月27日 星期四

【日本掃街】3D蛋糕雪條 Vs 波波啫喱 Vs Arashi都食冬甩...【有片】

手工雪條瘋魔全球!日本Cold Stone Ice Candy日日人龍不絶, 心想:「米又係鮮果雪條...有咩咁特別呀?


八卦走近一看, 「嘩!3D立體水果條喎, 雪條仲叫做蛋糕...一定要試啦」(ベリーベリーショットケーキー=士多啤梨蛋糕雪條)



3D水果蛋糕雪條, 6大粒生果活生生緊貼在雪條面, 怎也撥不走...因為她們被大堆頭的忌廉貼得實一實. (好玩喎!)


我估計日本人愛專注做一件事, 因為發出「おいしい」,「かわいい」的人都於店外立食, 而邊行邊食的個個也說國語. (我要扮日本人, 梗係企係到, 郁都唔郁食晒成條雪條啦)


每條生果雪條也放入密封小塑膠, (開唔到就叫店員幫手, 她們好人得會幫你揼埋個膠袋)...


登登登凳...原來雪凍後的忌廉有如AA超能膠的威力. (真係雪條開始溶, 啲生果都未有任何跌落地嘅跡象)


其實忌廉很香很甜, 相反表面的生果變得有少少酸, 雪條很攪笑, 由士多啤梨果汁冰, 及忌廉蛋糕結合而成, 所以又甜又酸, 幾正喎. (480日圓算抵食夾大件)

好玩: ★★
搶眼: ★★★★★
味道: ★★★

JR池袋站內中央通路 中央改札口前
期間限定:2015724()930()


川越」木具店的波波啫喱

小江戸町川越有一家賣木製品的小店, 內裡雪櫃放滿了一個個橙色的小波波, 老闆MachiTa:「我自己諗出嚟橙味啫喱, 你用牙籤拮穿表面波波就可以食」

感覺有點似懷舊大菜糕, 但有得食, 有得玩, 200日圓超抵... 

(啪一聲爆波的一煞, 忽然成個人都會好興奮架喎)

阿太:「又會被佢諗到嘅? 幾過癮喎」(真係幾得意, 唔知以前香港有冇類似懷舊甜品, E度係超好賣, 本來雪櫃排滿兩排波波, 轉過頭得返個)

至於味道...甜甜地, 質感絶對似大菜糕呀! 當日30度高溫, 食個清涼大菜糕...超正啦!!

(所以, 我哋食完一個再買多一個嚟玩. MachiTa先生也忍不住問:おいしい...!!!梗係答:「おいしい」啦)
好玩: ★★★★★
搶眼: ★★★
味道: ★★★ 
(創美・そうび木のアトリエ) 埼玉県川越市元町2-1-1


Arashi都食冬甩...


東京車站, (即使未轉入一番街), 原來都有超多搶眼食物...公仔冬甩...電視不停宣傳, (唔買好似對唔住自己)


其實, 明明就跟Mister Donut差不多, 只是Donut扮公仔, 中間凹位再加多一粒小動物, 我又忍不住乖乖排隊付款.


一隻白熊仔, 一隻東京雞...(我啲錢真係幾易賺, 當然我唔排除那位美少美功不可沒)


黃色的我覺得似比卡超...多過似一隻雞喎!


Siretoco Donuts Mister Donut來得厚身, 咬落更鬆軟...偷偷探頭出來的熊仔還改了名字叫:Kumagoron...


Arashi是阿囝的新偶像, 他說:「不如畀二宮食啦...(咁你小心啲喎...話口未完, 隻雞就跌咗落地LU)(有人差啲想喊添)


這間的Donuts口感極似蛋榚, 很濕潤, 很鬆軟, 可能少食, 我覺得較Mister Donut更好味...特別在甜度不太高...食完絲毫罪惡感都不會有㗎!!
  
好玩: ★★
搶眼: ★★★★
味道: ★★★★ 
Siretoco Donuts東京駅京葉ストリート店




沒有留言:

張貼留言