上回提到星期三好高興走入機場玩鹹蛋超人遊樂場, 其實, 人人最期待一定是集齊24位超人, 及怪獸的舞台劇...
全場60分鐘, 真的高潮一幕接一幕, 不過, 可能太空曠或者音響問題,
總覺得聲效差少少...但內容絶無冷場.
雖然我沒有追開鹹蛋超人, 但故事來來去去也大同小異,
地球防衛隊兩位好朋友, 其中一位被邪惡貝利亞誘騙,
借了他的肉身再次侵略地球.
當然, 最後邪惡肉身被友情力量所喚醒,
人類與超人一同激戰貝利亞.
到最後(例牌菜)貝利亞就會變大, 作終極反抗...(人扮如何變大...真的不得不佩服製作人...只要穿上吹氣的大氣球衫就得啦..幾大隻!!)
幪面超人有分昭和系(老餅), 平成系(2000年後), 鹹蛋超人也不例外, 舞台劇的高潮位就是由觀眾一同大叫, 將元祖級的鹹蛋也一一呼叫出場...
(嘩!就算我唔係FANS, 一見吉田, 七星俠, 雷歐齊齊出場, 我也好鬼感動呀)
想不到現在的舞台劇持技畫面如此逼真, 就連阿囝也說:「怪獸又會係大電視大大隻, 又會走出嚟喎」.
我們好興奮, 因為ZERO在我們發出力量時, 走到我們附近, 阿囝也打了一個突...
最令我喜出望外的, 一定是巴魯坦星人無聲無息的走到我們坐在的樓梯前. (原來有兩隻添喎)
當時我與可愛的魚子醬排排坐在樓梯中間...真的機會永遠也只給予有準備的人...
又說Sony相機反應快...快個屁, 一看這張超走近我眼前的巴魯坦星人照片, 唉!我想我應該要轉會...
我還未來得及按第二下快門, 巴魯坦星人已轉身離開,
而小可愛魚子醬登時嘩聲嚎哭.
(其實我應該係魚子醬未被感動前, 抱起佢先影相...唔知小朋友將來, 會不會因此而驚咗再同阿叔坐係樓梯睇戲呢? 慘慘)
不停打打打, 其實不止大人, 小朋友們, 即使女孩子也雀躍得個個走出樓梯, 當正自己是超人一樣, 東一隻, 西一隻, 東一腳, 西一腳, 給批鬥...
我問阿囝:「你當自己係超人, 定貝利亞?」, 阿囝一邊打一邊大叫:「哎呀! 你先係貝利亞...唔好阻住我打呀!」(係呀!我知你好忙)
又噴火、又射燈, 還要大螢幕播出香港中環情像,
再加入大量巴魯坦星人飛來飛去...不得了的好有共嗚感呀!
60分鐘的舞台劇, 一霎眼就完, 大會廣播可以與超人合照,
但此刻已經接近9時, 我當然好想去合照, 但也扮一扮民主...
我向半天沒有吃過東西的小朋友查詢, 當然盡得我集郵遺傳的阿囝大力點頭...Safe!!(幾驚佢話肚餓要走先)
不過合照就只有三位...阿囝:「頭先有11個超人架喎...點解得三個咁少??」(可能佢哋肚餓...走先囉!!)
沒有留言:
張貼留言