「自己包, 自己攪」~其實, 我一早已經想走入麥當勞個廚房, 自己幫自己做包好耐...(事關個包永遠都被人撳到實一實, 死氣沉沉咁款)
自助點餐包玩意, 暫時只有九龍塘又一城,
及銅鑼灣禮頓中心有得玩, 今日(7號)第一日推出, 八卦仁又點會錯過玩新玩意的機會呢?
一邊走上又一城頂樓, 一邊擔心:「死啦...實好多人...唔知駛唔駛等一個鐘呢?」
哈!! 結果因為店內有7部點餐機, 所以基本上唔駛等2分鐘就可以開始揀包包啦.
每一部機旁邊都有一位工作人員負責講解...我一來便說:「我要5塊牛, 5塊魚」
工作人員答:「唔好意思, 暫時只有牛肉, 同埋最多只可以加三塊」(乜有限嘅咩?? 外國又話有人買咗個3.8磅 嘅??)
原來首先要選擇包...「芒」底有片菜, 我最初無理由, 臨走才發現, 如果你不愛吃麵包, 可以揀生菜做包...知得太遲啦...
工作人員Kenny:「我鍾意香軟飽, 配帶少少辣嘅芝士多啲」(好呀! 你咁講你實跟你...)
到第4版的配菜, 5款選擇...我是一個貪心的仁, 就全部一次過放入去啦啦!!
(無蝕底, 橫惦價錢一樣)
醬料經過我和另外三個朋友測試後, 首選「蛋黃醬」一定要做膽,
次選芥末, 朋友們二口同聲:「簡直Perfect Match呀!」
原來, 之前的五個步驟, 若果你只揀選一塊牛肉, 其餘任你點, 價錢也是$45.
第六版的配料就是遂樣收費, 必必必食$6「甜燒菠蘿」. (絶對等同HelloKitty額頭的蝴蝶結一樣, 靈魂中的靈魂咁滯啦)
本來又一城的McCafe, 今日變身「Create
Your Taste」製作中心, 同一時間塞入近15位「黑衣專家」馬不停蹄, 非常熱鬧.
老實說, 可能第一天的原故, 所以有點似打仗一樣...原來他們製作一個自選包, 似十足執藥一樣...一人負責一項目, 有點似從前的啤膠女工喎.
今日, 最我驚喜的是... 麥當勞的服務態度....因為客人太多, 工作人員不停向等待的大家致歉之飲, 還每人送上一樣細鮮橙汁...
再過10分鐘, 工作人員又再度表示不好意思, 又送來小蛋糕, 我們四口同聲驚訝說:「E度真係麥當勞??係米去錯咗日本呀??」
其實..繁忙時間, 今日真的等得太太太久, 我們三個自選包, 最快的一個等了42分鐘, 最慢的一個...
足足等了1:24分鐘. (真係差唔多睇場戲返嚟先食都得呀!)~不過, 我們又收了工作人員的兩度致歉, 又食又飲...算啦...無所謂啦.
至於自選包的賣相, 肯定勝絶吃了幾十年的慣常麥記漢堡包, 起碼外形夠生氣, 個漢堡似在呼喚:「食我啦!! 食我啦!!」
至於味道方面, 一定好過正常麥當勞的漢堡包,
起碼看得出塊牛肉也彈性過平日的選擇.
還有就是薯條的賣相又粗又夠薯, 但其實只是普通薯條, 工作人員說:「遲啲有機會變成不一樣的薯條, 不過暫時都係食住一樣嘅先」
今日我們平均每人也吃了$65元...(抵唔抵呢??? 老實講, 更好食的漢堡包隨處可見,
但係邊度有得可以自己玩Touch Screen揀E揀路呢??)
買套裝扭蛋玩具, 又齊又便宜, 但就沒有了「扭嗰下」的期待, 及驚喜!(而且今日我仲有免費橙汁同Cake食呢!!, 我梗話抵食㗎啦!!)
最後, 大家記得記得記得食之前,
要先拍照, 食完後就連收據走到指定位置,
「#CREATEYOURTASTEHK」, 工作人員就會為你點的自選包做一個一樣的Tote Bag送給你.
不過除了每日限量300個之外, 我建議大家的自選包要多點配料...你睇!!! 我朋友(左)的漢堡包, 就連包主自己也說:「早知揀多D啦...E家好小家咁呀」(係囉... 「短小精杆」囉)
7/7 -12/7 每日限量300個「自選」免費Tote Bag遊戲
沒有留言:
張貼留言