六月尾某天九里香的阿Kit問我:「有冇興趣試西瓜包?」我答:「咩嚟架?聽都未聽過喎...」
後來得知台灣忽然人氣推崇...一聽到「人氣」兩字, 二話不說即刻答Kit:「即刻幫我訂一條」
同一晚, 同事阿面又忽然讚好了灣仔「Tomakukki 喫茶店」的專頁,
內裡講述台灣宜蘭的【幾米烘焙手創坊】, 抄了香港「喫茶店」的西瓜方包,還說是自己原創...
上了【幾米烘焙手創坊】的專頁看看, 驚為天人, 店長不停遭圍攻.
(嘩!原來台灣人真係好善惡分明, 好有大義滅親嘅感覺.)
「請你尊重我們的創意,好嗎?」, 原來, 遠在天邊, 近在眼前,
無理由不立刻去試試我們香港人的光榮吧.
致電「Tomakukki 喫茶店」, 店主梁 小姐說:「其實, 我哋靈感都係來自當年「日本方型西瓜」的概念, 最初研發日子就是2014年4月」
如果四日前預訂每個西瓜包售$98, 但我只是三天前訂售,
所以要付$118, 取包當天, 店員阿菲說:「記得室溫可以放三日, 之後要放雪櫃, 唔係會發毛呀!」
(吓?原來你哋已經發明咗成年...點解我之前未聽過嘅?)阿菲:「係呀...好多人經過見到Display都好驚奇,
所以你唔知, 一D都唔出奇」
(係米個包真係西瓜味架?), 阿菲:「其實係普通方包味道,
不過綠色部份就係綠茶, 黑色是竹炭粉, 紅色是顏色粉...如果食唔慣淡口味, 渣果醬, 牛油都好食」
試食後...感覺如同白麵包分別不大,
綠茶味要刻意咀嚼才有微微散發出來. 不過賣相絶對一流. 非常有心思.
我好老實跟阿菲說:「其實, 一百蚊一條方包都幾貴, 試一次就無所謂,
但我唔會日日食囉...」(發咗達應該會卦)
阿菲答:「都係嘅, 我見通常啲客都係買嚟過節, 慶祝用,
試過有人當生日蛋糕囉」(如果當生日蛋糕又慳得滯呀?)
試食大員SY:「無味嘅...(咁好唔好食呢?)...可唔可以好似早餐渣果Jam呀?
」(根本就係白麵包麻, 結果渣了煉奶, 就迅速被KO)
我覺得今次「原創」事件, 可以看得出台灣人非常正義, 追看宜蘭包店的專頁,
店主真的不停被當地人狗血臨頭的追擊.
作為幫香港人發聲的行為, 雖然事件不關我事, 但也覺得感動.
所以事實証明, 大話真的不可以亂說, 尤其在網絡世界上, 更加不可以假.
地址:灣仔莊士敦道 181 號大有廣場 112 號店
電話: 2811 1878
沒有留言:
張貼留言