2015年7月2日 星期四

【成屋都係Minions】10隻開心樂園壞蛋 Vs 今個星期好多迷你兵

今期最最最紅一定是Minions, 其實我去年也是由阿囝教路才知黃色的叫壞蛋.


!! 今日阿囝放學在嫲嫲家回來, 一發現大大個開心樂園餐盒, 即時大叫:「咩嚟㗎!!咁大盒嘅」(係囉...我都嚇一驚, 我以為中了核幅射的Kevin係入面添)



一大開...阿囝:「爸爸...咁大個盒, 入面得兩個咁細盒...(話明迷你兵團麻...非常貼題喎, 係米...), ...即係佢哋細個??, (其實我都係估㗎咋...)


!! 先睹為快最開心不過, 阿囝:「我鍾意Bob...細細粒, 好似我...(你知唔知電視都有叔叔叫Bob?), 知啦梗係...無頭髮㗎麻, 你唔好以為我乜都唔知先得」(懶醒)


十個玩具, 由今日(3/7)起, 分五個星期換...迷仔兵團成千上萬, 所以十隻一套, 絶對不會嫌多...(有點後悔去年沒有換到『壞蛋獎門人2』那套...其實當時我都唔知就真)


拍了少少短片...這個Bob旋風腿是阿囝的最愛, 他玩了一晚, 還教我:「爸爸, 你轉8次就可以放手, Bob就會轉轉轉啦」(!! 我都知啦...)



我鍾意發聲的Bob, 不過大家可以聽聽, 他說甚麼...是不是中文呢??? 「吓..HeaHea...做緊咩嘢」(我好似聽到咁上下...)



Stuart 連英女皇送給他的古董細他都興奮到打得爛...昨日, 阿囝看到這一幕也緊張得:「吓....」一聲.... (謝霆鋒上身一樣...畀我就肉痛死)



Kevin手上的腐蝕熱熔槍是煞天嬌老公黑柴相贈...



阿囝一見到:「我記得, 支槍係個男人送畀佢...個男人係壞人嚟㗎」(睇完套戲未夠24小時唔記就真係有問題啦).



因為之前未知香港麥當勞有得換Minions, 所以就請了新加坡好友代為吃了十餐開心樂園餐, 我還請她連宣傳紙也一同寄給我...


不過, 她還未寄出, PR姐姐就已經非常痛鍚SY, 送了一套給他, 其實, 我一早想過每日買一個魚聊包, $8換齊一套給阿囝...


現在, 得到PR姐姐, 及遠方好朋友的厚愛, 大仁在此感激不盡.


麥當勞明碼實價, 總較香港Kinder出奇蛋的「陰陰濕濕」正派, 及老實得多.


澳洲的Kinder出奇蛋, 每一隻也是壞蛋玩具, 相反, 香港的盒裝, 三隻只有一隻會中壞旦.


如果你到便利店買個別單賣裝...哈哈...我買4, 一粒也不中. 無聊的我先後打電話到消委會, Kinder表達不滿.


結果也好, Kinder姐姐說:「我哋有寫『還有其他好玩玩具』, 可能你無睇清楚, 我哋可以最多補返2隻壞蛋畀你, OK?(咁梗係要啦, 唔通, 我真係好鍾意食出奇蛋咩?)


將大Size的開心樂園系列, 配入迷你版的Kinder系列, 一模一樣...我覺得超靚呀...(阿太:「黃咁咁...我一啲都唔覺得靚」...!妳真係唔識寶呀!)


昨日, 看完優先場, 我們又用$138, 買齊一套汽水杯公仔, 好抵...超抵, 因為除了澳海城, 其他戲院要$58先有一個公仔套裝...(呃錢咩...咁貴)


最後, 就連早餐粟米片, 一樣送壞蛋...我買了兩盒, 只欠Stuart..有緣再買啦...無謂強求.


Minions真的好黃...黃到我家忽然變黃...今日家中黃得較雨傘革命更鮮黃, 我真的愈來愈愛黃.



沒有留言:

張貼留言