2015年7月4日 星期六

【漢堡包都要著裙??】輕鬆小熊陪我食Lunch @ The Diner

我好少到中環覓食, 原因識我的人都知我愛「問長問短」, 不過英文差, 跟外國人「好難傾到計」.


走入中環餐廳, 我覺得就似無帶錢去日本旅行, 只呼吸空氣, 但無錢購物一樣...心痕身癢死.



因為網上看到「The Diner」正到爆的「Skirt Burger, 所以即使今日34度高溫, 由「蘭桂坊」直上「亞畢諾道」的扶手梯又壞了, 汗流浹背的也不介意.


不過下午13:30到達, 店員LaLa:Brunch時段無Skirt Burger, 要到14:00先有呀!!(!好彩你話等30分鐘...幾驚你同我講要夜晚先有得食呀!)


這間店最抵讚便是提供小朋友遊戲餐紙, 還要雙面印刷, 簡直發達...



阿囝可以自己和自己玩遊戲, 足足5分鐘之久...之後時間剛剛好, 食物來了....非常正啦!!


我們先點一個MAC N CHEESE, 賣相是一個百佳手推車, 還附上兩粒輕鬆小熊陪你食炸波波. (都話英文差...一口咬落去, 我話:「邊有雞呀?又話炸雞...搵笨呀」)


阿囝津津樂道吃著炸芝士通心粉波波說:「爸爸, 無寫CHICKEN!(係咩??~《即刻攞個餐牌睇》...少時不努力, CHEESECHICKEN都睇錯, 笑死人啦)


不過, 錯有錯著, 原來將通心粉釀芝士再炸, 非常好味道, 最正包裝夠搶眼...舉起姆指讚不絶口.


...倒數...3,2,1...終於到14:00, 第一時間找LaLa落單「Skirt Burger, LaLa:OK, No Problem(有啲似去排隊等買限定玩具的心情咁)


今日, 阿囝坐到好定, 簡直如同屁股貼了萬能膠...原因??


餐廳內長期播放著卡通片, 外國卡通, 不過沒有聲音, 但小朋友仍然目不轉睛的望得實一實.


 (阿太:「你真係好嘢, 又無聲又唔知咩卡通你都可以睇到笑笑口」...可能佢遺傳了我, 愛電視如命的性格呢)


登登登凳!! 主角終於來了...!真的好似穿了裙一樣.(我今日先知, 原來漢堡包是女仔嚟架喎!)


被煎過的大芝士真的好大塊, 直徑有幾長, 我沒有帶尺, 於是拿了把刀度一度, 正正就是一把刀的長度.


不過我有疑問, 究竟可以點樣食呢?? 於是我又問一問LaLa...


LaLa:「攞刀切開一半先食, 或者你成個攞住食都得」(咁簡單英文我應該唔會聽錯...不過講完好似無講過咁)


我決定將條裙同個身體先分開, 食條裙先...不過, 我覺得應該要將芝士夾漢堡包入面食會好一點, 因為味道算鹹.


之於這舊標榜 100% 美國安格斯牛所製成的靈魂, 入味夠腍又算多汁, 不過夾雜有少少渣, 可能鬼佬愛吃有咬口


酸瓜配煎豬扒的甜洋葱, 生菜, 番茄味道好食, 賣相又夠招積, Like一流, 來食一次絶對值得.


(不過, 香港仁都係覺得無渣嘅「石硤尾賓墟」漢堡包啱我多啲, Size當然E度咁大份, 環境, 氣氛梗係E度好好多.... 但係「賓墟」賣$10蚊咋大佬,)


LaLa臨走時跟我說:「今日(1/7)剛剛係我哋開業一周年, 又係我做咗一年嘅日子, 小朋友你要唔要波波?? 下次再見你, 拜拜」(咁先係服務啦!! 男店員可能學十年都未必開得到...)

The Diner
地址:中環亞畢諾道 4-8  


沒有留言:

張貼留言