鮮紅色大雨傘, 大紅色雪糕車, 街頭免費派雪糕...我問:「點解雪糕上面得返咁少蟲??」, Angus一邊裝雪糕一邊答:「12點嗰時, 上面舖滿晒架...」
左影右影的我, 期間有強國人二話不說要了雪糕,
工作人員還未來得及解釋, 他們已一支箭的走了. (唔知佢哋之後食到鹹鹹脆脆的小蟲, 又會咩反應呢?)
雪糕車有四款口味, 朱古力雪糕配草蜢, 麵包蟲配士多啤梨, 炸蜢混入拿破崙, (最多蟲係邊款呀??), Chilly說:「野莓啦, 集合幾款, 不過無曱甴, 幅圖印錯咗咋」(如果真係有小強真係幾震撼喎)
(點解無端端加啲蟲落雪糕度呢?)阿張解釋:「因為我哋出過一篇報導,
講食蟲含有豐富蛋白質, 比食肉更環保, 所以就畀大家試下囉」
哦!但我要食多少份量的蟲先可以飽呢? 阿張有少少疑問:「報導又無講, 不過我諗一碗掛」(咁又係, 我食一碗, 我囝可能食十粒, 阿太可能睇到就飽, 因人而異啦)
原來, 她們不是宣傳雪糕, 而是《經濟學人》雜誌推廣訂閱...我有點為難為情推搪說:「(但100%真心)$38訂閱唔係貴, 不過如果係中文, 我就會即刻訂, 因為我英文差, 實睇唔明, 無謂嘥錢啦」
Angus好好人:「你鍾意多啲蟲, 麵包蟲仲好有多呀...不過啲草蜢縮埋晒係朱古力入面, 好難搵, 不過我「畢」嗰陣就感覺到有囉」(吓??生嘅咩?? 我反而好想食喎)
Angus:「死晒架啦, 唔係生...不過混入咗係朱古力裡面啫」(係!! 咬就感覺得索索聲, 不過黑鬥黑就唔多覺)
至於味道, 脆脆帶澀, 微微的輕鹹, 配甜甜的雪糕, 其實真的很好食. 不要覺得很嘔心, 因為看不到蟲蟲眼睛, 手手腳腳, 其實入口後, 我故意反覆回味, 也不太感受得到是昆蟲.
我決下次12點就過來找她們, 一口氣20粒蟲食入口, 可能又有另一番體驗.
PS: 負責人Chilly:「其實我哋攪咗十幾日,
之前試過沙田, 觀塘, 中環碼頭, 反應都麻麻地, 之後都主力係中環廣場,
太古坊, 因為反應好, 起碼唔會冷冷清清」
蟲蟲雪糕車活動：即日至7月16日 (逢星期六休息)
時間：12:00-16:00
詳情請留意FB: The Economist, Asia
沒有留言:
張貼留言