無飯家庭去煮飯...一向覺得烹飪離我很遠,
參加今次飯盒班, 全因為三件毛毛衫.
話說我與魚子媽, 及小小豬媽齊齊買了三件毛毛衫,
不過好難到齊齊變身, 於是就襯今次聚會, 三隻毛毛齊齊做便當.
今次去MegaBox德國寶學做動物飯盒, 本來我們建議, 不如齊齊全程毛毛裝做便當啦...
結果, 因為毛毛超「甩毛」, 最終被迫放棄了任務.
「男人懶狗」最憎洗碗, 照計今日小朋友及媽媽煮, 最後應該不用爸爸洗碗吧!
(係...就真係捉蟲)
老師說:「今日可以做動物飯團」,
但老師就示範煮意粉及鵪鶉蛋小白...(哦!...其實我唔係好明...同我哋做啲紫菜飯團有咩關係)
阿太與阿囝分工合作, 小朋友倒模做飯團, 阿太就負責煮熟配料, 至於我, 當然不停周圍影...
下午茶時間望著不批準吃的飯盒, 真的非常肚餓, 幸好工作人員說:「邊個要鵪鶉蛋做配料??」(我呀!我呀! 我好肚餓呀!)
鵪鶉蛋太細粒, 怎會夠我食呀!!我連早餐都無食...於是我走到阿太煮配料的地方, 實行自己「打邊爐」...
真感謝還有食物用剩, 獅子丸魚蛋, 火腿, 還有露筍...(正呀!真係哈利路也, 如果唔係餓鬼死)
終於大功告成, 登登登凳!! 企鵝, 熊貓便當, 完來無飯阿太, 與「坐唔定」阿囝也有「呃得吓人」的恐佈完成品出現喎.
大合照的機會一定不可以放過, 大家手持傑作...對不起, 鏡頭不過闊, 未能將所有參加同學拍攝入鏡.
最後, 老師在清潔, 我叫換上毛毛衫的囝幫手, 最懂得做戲的小朋友, 幫了一下, 便立刻逃離現場.
阿太說:「你睇下你個囝, 人哋魚子醬, 同豬仔先叫可愛...唉!阿囝都係以前得意啲」誰知情景如愛‧回家一樣, 給囝聽到說:「咁即係我E家唔得意啦」
(哎呀!好慘的一句回應, 聽到真係要即刻上前攬一攬阿囝安慰一下...)
天生樂觀的大毛毛, 一見到有食物又變得沒事...走了去偷食...(都好, 起碼佢無在意, 如果畀著我聽到有人講我, 一定話返佢)
因為毛毛要與魚子醬玩, 這件$99超特價的毛毛衫, 估不到第一次著已經「爛尾」, 哈哈!! 原來小男孩, 不論6歲與2歲也愛「論武功俗世中不知邊個高」.
我大叫:「唔好再華山論「尾」啦...我好肚餓呀!去食下午茶啦」於是大家便齊齊離開廚房...真真正正拜拜你條「爛尾」.
沒有留言:
張貼留言