「Pika~Pika~…Chu」我跟同事說:「咖哩王變身3個月比卡超餐廳,
一齊去囉!」
同事點頭但問:「點解你唔同你個囝去呀? 佢唔鍾意比卡超咩?」
(佢上年J2做嗰時好迷㗎, E家就迷超速變形喎) , 因為阿囝不能辣呀!!
當我們到達門口, 同事奇怪問:「又話咖哩王?? E度係沙嗲王喎」(哎呀!原來我只係十年前食過一次,
E間係叫「咖哩王」??)
當我們一走入店內, 我有少少失望:「點解餐廳好似無乜佈置?」同事話:「米有個佈景畀你扮比卡超囉? 你仲想點呀...E度係沙嗲王咋」(咁又係...)
不過, 這裡的店員非常好人, 我問:「比卡超飯, 頭頂黑色嗰D係咩嚟?」她答:「係墨汁糯米飯呀!
我哋嘅色素係天然嘅」(咁我諗食一次半次都唔會死嘅)
其實比卡超豬排飯, 可以有三款不同顏色咖喱選擇, 女店員:「你哋揀藍咖喱啦...因為襯你哋點咗嗰杯呱呱泡蛙藍桔荔枝啫喱梳打」(哦...根本讀唔返,
個名你記咗幾耐?)
黃色比卡超是黃薑飯, 其實似普通飯, 一點味道也沒有, 同事說:「哦!原來藍咖哩,
即係我以前食嗰款白咖哩豬扒飯, 好出名架, 我以前貪佢平, 成日食, 不過今次$78...貴咗D囉」(無計...我D錢最容易賺)
切開比卡超的腦, 內藏了一大塊豬扒, 效果不錯, 起碼不會多塊扒阻住影相...(雖然同事話藍咖哩正,
但不要問我好唔好食, 影比卡超大過天, 哈哈!無乜味覺).
我們點了兩杯特飲, 一定要點主角...不過因為我對沙冰好感不大,
所以屈了同事飲比卡超芒果沙冰 $38, 而我則飲呱呱泡蛙藍桔荔枝梳打 $32
同事問:「要唔要試我杯芒果? (唔駛..沙冰麻麻)」而我杯藍桔荔枝梳打...如果我之前叫走冰可能會更好,
因為忌廉和冰同樣多, 好飲也只有兩啖就飲完.
最後, 當然就是食甜品時間, 雪糕千層塔伴比卡超布甸
($58)...附送的「爆炸糖」可以說是全日最有心思的驚喜, 店員:「你曬落去布甸度, 就好似比卡超發電咁囉」(真係不停霹靂啪啦, 好HIGH, 好正)
至於同事意見:「沙嗲王真係好鍾意落忌廉, 不過佢哋D忌廉一定係Cheap嘢,
我平時整甜品用開貴忌廉, E度好難食!」(我就覺得未算難食嘅, 但唔好味就係真嘅)
影相後呃完Like, 可以走人, 沒有帶阿囝過來, 一點也不會後悔...就拿四款點食物附送的「精靈球」回家給他當禮物就算...嘻嘻!!
沒有留言:
張貼留言