龍珠!龍珠!龍珠! 等了7年, 悟空終於再來香港, 今次展覽位於將軍澳東港城.
2008年的龍珠展是在馬鞍山新港城, 我以為今次也是上次同一個「港城」...於是去錯馬鞍山...
當然新港城空空如也...問保安...他說:「我哋無喎, (無理由...寫住東港城喎)...E度係新港城呀」我尷尬到爆...點解香港有咁多「港城」㗎??
遙遙長途..「牛牛豆豆」個半小時,
終於可以見到我的杜拉格斯...要集郵真的不易. (睇嚟...我今世都可以分清邊個港城係邊度喇)
《龍珠》是我唯一儲齊42本全套的漫畫, 小朋友以為看日文版本, 可以學到日文, 結果當然買了十期後, 還是妥協改買台灣版.
而到後期, 因為文化傳信與台灣鬥快,
於是那邊先推出便買那一本, 所以《龍珠》真的集天下之大成...
今次最最最想到場玩, 就是真人「出波」, 「龜波氣功」真的每個男性都想擁有的武功.
今次「天下一武道會」內有得玩. (KAMEHAMEHA喎...上長水遠嚟到, 真係要玩返十次先得)
除了出波, 還可以揀「元氣彈」, 不過有點奇怪, 玩家不能對住螢光幕, 真的靠「估估下」出招,
我也要練了三次, 才可以估到如何招架.
今次大量Figure也忠於原著, 只有比達的外貌欠小小神髓, 我總是覺得他似攪手王友良多過似比達.
今個展覽有龍珠閃卡, 20年前, 我已發展到不是扭閃卡, 而是到玩具店, 一舊200張原盒購買, 那確保一定齊一套. (最麻煩就是大量重複囉)
我給阿囝看我所拍的照片, 他分明沒有興趣看, 但突然看到閃卡館時, 即雀躍大叫:「好玩喎...(我以為他指龜波氣功)...有人捉緊依欣喎...」(我就嚟被你激死呀!)
原來大東也是龍珠迷...我事後才知道, 因為在場有十數位他的粉絲問他...在場的展品就是他由台灣帶來喎.
有人(唔開名啦!!)看到相片問:「點解人坐太空艙, 你坐太空艙, 大東型咁多嘅?」(鬼唔知咩, 你哋叫大東, 我係大仁咋)
沒有留言:
張貼留言