2015年7月5日 星期日

【90分鐘玩盡薯蛋頭】全港「最抵玩」主題餐廳 @ Izumi Curry

主題餐廳怪的我好想去「美麗華」食薯蛋頭...:11點半喇...快啲啦唔知排到下午茶有得食未??阿太懶懶閒:「應該無乜人嘅. (點解??) 屯門都開咗間麻」



結果我們大約12點到達, 順利排第六, 阿太:「都話無乜人㗎啦」, 店員話:「我哋開11點半, 最多食90分鐘, 所以最遲你哋1點就可以入」




主題餐廳排隊有個好處, 就是可以與門口的大公仔影相之餘, 還可以逛入面的Pop-Up-Store.



阿囝不停摸不停說:「我鍾意薯蛋男仔, 靚過薯蛋女仔好多, (即係你鍾意薯蛋佬啦!!), 咩老呀? 佢叫薯蛋頭先生喎」



我本來看中了薯蛋小姐散紙包...但因為小朋友又看中玩具, 為免一次過要買兩件, 縱使周圍氣氛不停叫我:「買啦!!買啦!!, 我還是忍手離場.



原來一走入「薯蛋」堆, 已經消磨了20分鐘門外一早排滿人龍心暗喜:「好彩我早咗少少到啫...結果我們大約等了45分鐘便正式可以入餐廳與薯蛋頭玩遊戲啦!!



薯蛋頭的眼耳口鼻貼滿牆, 餐紙, 杯墊全部印上靚靚的薯蛋樣. 而且四款餐紙更是任你自由索取, 簡直大方得體得要加分.(最慷慨主題餐廳)



整個餐廳全部都是薯蛋頭, 愈被公仔包圍, 我就愈開心, 如果連所有店員的制服也是薯蛋, 一定更煞食.



記得要讚好他們的專頁, 之後就可以得到一個薯蛋頭紀念匙扣, 店員跟我說:「一套三款㗎, 三個戶口一齊讚好就可以儲齊...



回家後才發現一套有4款㗎!!! (點解?? 點解我唔一早上網查清楚呢?? 即係我要食多次先可以儲得齊...嗚嗚嗚)



芝士牛肉薯餅飯$129, 唯一一款真的用薯仔料煮成的套裝, 必點之選...薯餅下就是飯, 可以分體的感覺, 十足十如同玩玩具一樣...(我其實唔捨得食咗佢)



最後謀殺任務就交托給心狼手辣的阿太...她一羹將薯蛋先生解剖...阿囝交叉手大叫:「唔好殺死佢啦...



日本咖喱偏甜, 但這裡的卻帶微辣, (又話加甜嚟迎合細路既??), 結果怕辣的囝一口飯, 三口可樂:「我忍到㗎...我忍到嘅...只要有可樂...我忍到」(你想飲晒成罐之麻, 你估我唔知咩!!)



其實, 我們這一家都算殘忍, 我負責吃薯蛋頭的蘿蔔手, 阿囝就食他雙眼....(好可怕的食人狂一家) ~不過蘿蔔唔夠腍...阿太:「你估你食牛腩粉咩, E度點會腍呀??



朋友知道我去食薯蛋頭, 不約而同問我:「好唔好食呀??.



我就答:「主題餐廳係食環境, 最重要夠多薯蛋頭包圍住你...Izumi Curry絶對較apmKumamom Cafe更有主題而食物過得去就已經算Bonus!



之後...(店舖限定)朱古力醬熱香餅配橙汁 $69 登場這是我暫時食盡所有主題餐廳最互動最有自主創意的一份食物...(請畀趣...拍拍拍拍拍拍拍...十個趣)



熱香餅是薯蛋頭, 店員會附上一枝朱古力醬, 真的薯頭任你畫...阿囝說:「點解好似差咗啲嘢咁...



無錯, 因為畫不到耳朵及高帽, 所以我順手拿了旁邊的香蕉作耳, 忌廉便當廚師帽啦...都算有7成似吧??? 之前7-11買一支朱古力醬筆, 也要$10...今日全支任你畫, 超抵!!



阿囝強烈要求用朱古力醬寫完字, 要活埋班戟, 這枝筆的朱古力非常淡口, 即使用多多, 也沒有太甜的感覺, 絶對畫得輕鬆, 食得寫意得爆.



Mr. Potato Head Cafe襯得好正超萌薯蛋頭公仔每枱一個坐定定陪你食飯簡直安撫小朋友的最佳食肆左影右影就連無時停的小朋友吃完甜品也叫:「我唔捨得走呀!! 我好鍾意薯蛋頭」



哈哈...扮嘢小朋友...經過Kumamom Cafe, 海港城姆明Cafe, 每次向公仔「拜拜」一刻,就以淚洗臉攬到實一實...一出門口見到其他玩具又再跳跳紮....



(阿囝...你係戲子嚟嘅... 『我全家都好平安喎, 前面米有電話囉』... 我唔會再上你當㗎啦



真人Mr. Potato Head 登場抱抱會日期:
74 (星期六) (開幕日) 屯門 V City
711(星期六) 12(星期日) 屯門 V City
718(星期六) 19(星期日) 尖沙咀 Mira Mall


Izumi Curry
地址:屯門屯門鄉事會路 83 V City 商場 1 9 號舖
地址:尖沙咀彌敦道118Mira Mall1


沒有留言:

張貼留言