網頁

2015年6月1日 星期一

【WONDA Vs BOSS】8款罐裝咖啡大比併

去年9月, 因為看到同事的越南滴漏咖啡壺實在太可愛 , 於是又學人飲咖啡.


正正因為加奶又加糖, 被師傅取笑「未戒奶」初哥...事實上, 用咖啡豆滴出來的咖啡, 較罐裝咖啡香,及回甘強. 我未戒奶都飲得出.


不過罐裝咖啡實在太方便, 超碼不用每次洗咖啡壺, 但原來市面有無數罐裝咖啡, 本著「無聊佬」精神, 今日特別找來WONDA, 及BOSS各四款咖啡做大比併.


我沒有資格試飲, 所以請了Chubility, 造皮達人...一位7年來, 每日即磨咖啡當食飯, 晚晚咖啡陪造皮的Luke我試味.


WONDA逐一點評:


特製カフェオレ: 好奶, 似食咖啡糖, 奶味超重, 夠晒滑. 


MORNING SHOT: 早晨咖啡一貫口感重, 但這罐有強勁"燶囉味", 甘苦味濃, 味道易入口過雀巢.


ZEROMAX : 最難飲, 可能零糖關係, 味道變得唔似咖啡, 怪味咖啡, 飲完脷有少少麻痺. (個罐最靚, 但原來最難飲喎)


DOUBLE : 齋啡DOUBLE SHOT, 咖啡味超常濃, 帶果香, 微酸有機會扮藍山, 最似即磨咖啡口感, 有新鮮咖啡感覺. (啱晒佢即磨咖啡人)


BOSS 逐一點評:




カリブの休日: 帶有菠蘿味, 雖然深色, 但都很奶, 不過因為奇怪水果味, 不似平常咖啡香味. (菠蘿咖啡?? 難怪佢唔推薦!!)


巴西: 有澀味, 沒有カリブ的怪味, 飲入口正常, 之但後脷有少少"鞋".


真夜中の微糖: 入口咖啡味沒有另外兩罐複雜, 感覺最"鞋".


贅沢微糖: 少少少酸, 雖然標榜性質較佳的豆, 但並不明顯, 易入口, 口感是同牌子最好.


結果咖啡Luke揀了BOSS 的贅沢微糖 , 及WONDA的DOUBLE作代表.


而8罐中, 最合他心水, 因為不甜, 似即磨感覺, 又似酸酸地的藍山DOUBLE.


至於「未戒奶」初哥...「DOUBLE..苦過弟弟, 又酸, 十足壞咗一樣, 我真係唔識欣賞. 我反而鍾意特製カフェオレ, 最奶, 最甜, 飲得最開心」


PS: 各人有各人口味, 以上只反映我們兩個人的意見, 純粹分享, 謝謝!!


2 則留言:

  1. 你還買得到wonda 的double espresso嗎? 我留了一罐, 在11/6/2015到期前一天, 終於喝了 .......

    回覆刪除
    回覆
    1. 你可以去駱駝漆大廈3期一樓的樂駝柒看看

      刪除