如果「Mum's Not Home」你會做甚麼? 當年, 我會開鎖, 偷睇電視, 因為家母會將電視上鎖...(E家我都唔明, 邊個發明啲咁無聊嘅電視鎖出嚟!)
由去年9月開始, 他們2人不停參與市集攤位, 原來就是準備為過澳洲發展而儲錢.
(點解無端端又唔去澳洲呢?) Chow:「我哋兩個之前去過澳洲Working
Holiday , 好鍾意當地生活, 當時又有個鬼婆傾我哋去澳洲發展, 我其實不知幾想去...」
誰知3月有一日Makui帶他上來, 兩人也覺得這裡很舒服, 很寫意, 於是就決定放棄重返澳洲, 留係香港發展樓上舖.
一切源於意外, 不論一年前用泰國「鈦杯」造燈,
又或者Makui用爸爸的「Hi-Fi膽」做頸鏈, 到在3個月前上海街找到樓上舖,
全部也是計劃之外.
為了新店除了有Chow與Makui創作的手作外, 更有四款「勁食字」的「正!Cheap Drink」給大家用「鈦杯」品嚐.
Chow:「你試下杯玫莓汁啦, 我最鍾意㗎!」(夏天行熱辣辣, 嘩! 真係正...E杯莓汁超解渴, 正到爆, 甜入心)
Makui喜歡菠蘿物件, 「望到佢會好開心, E兩個菠蘿吊飾係朋友送嘅,
屋企無位掛, E家啱晒囉。(「芒果」開唔開心呀?), 菠蘿個形靚D...(可能個青頭襯黃色夠夾?)」
Makui最討厭薏米, Chow則憎菠蘿, Makui:「我哋特登夾埋兩樣嘢,
做杯特飲「菠蘿咪」, 仲專登走去問中醫, 會唔會飲到肚痾??」 (Makui話暫時無人有事...不過我唔敢試囉)
開業近2個月, Chow表示, 開心到不得了. (開心係米因為夢想達成呀?),
Chow笑笑口:「梗係唔係啦, 我夢想係唔駛做呀!」(咁米同我一樣?)
Chow戲言:「開咗舖仲辛苦過以前, E家每日都要淋花, 清潔, 準備特飲, 以前諗唔設計, 就唔做, 即刻出去玩, 幾寫意」(神一樣嘅生活...我都想有呀!)
(毛毛銅片係邊度嚟架?) Chow:「連五金舖老闆都唔知有咩用,
我問佢都唔知, 見幾得意, 自己扭到戒指形就試下反應囉」
網中人的「人仔」是他們一早覺得有趣買落, 又見有一些膠網, 於是放「人仔」在內, Chow:「又估唔到擺市集好好反應,
於是米買多啲人仔再造不同Size」
Chow可以在舖頭幫客人剪髮:「中學時學嘅, 之後就不停搵人實習, 我全家啲頭髮都係我剪架」(下次帶阿囝嚟搵你剪先得!!)
Chow非常感激Makui表示: 「我唔鍾意, 計數, 管理, 籌辦...Makui全部幫我做晒, 好彩我唔係一個人開舖咋...唔係就慘」
Makui簡直萬能一樣, 又識彈結他, 彈琴, 又識造燈, 及室內設計, 這裡好Raw, 好舒服的感覺就是出自他手.
之前這裡是貨倉, 因為上一手經常被賊人光顧,
所以加了五個大鎖, 封實鐵門, 永不打開, 出入就靠後門一條秘道. (吓?你哋唔驚咩?)
Makui:「我哋都無嘢被人偷, 所以都只係特別留番當裝飾, 我哋仲改咗個名叫佢做『避難鎖』」(唔講, 我以為你哋專登對度門玩嘢咋)
全店的傢俬都是在街邊執回來, (吓?咁靚張凳都係??) Chow:「係呀!!旺角上海街個垃圾筒旁邊咋,
行街留意下就執到架啦」(咁我要多啲行上海街先得...)
靈感來自Warhol, 手勢就是以Lucky意思畫成的Logo. (Sorry..我還以為個Logo係笑689龍蝦的兇人手勢添)
Chow說: 「Lucky手勢係好感恩短短大半年,Mum'sNotHome認識到大量伯樂支持, 一切嚟得好意外, 我同Makui都覺得好幸運」(我諗應該係媽媽不在家好嘢囉)
沒有留言:
張貼留言