大熱天時, 當然食雪糕最正... 飲食男女介紹, 登打士街有日籍老闆娘賣Soft Cream, 祟日仁怎可以不去呢?
不過, 今日去到...女店員操流利廣東話, 絶對百份百香港人喎.
原來Virginia說:「老闆娘多數夜晚先返㗎, (緣慳一面), 你可以晏少少再嚟」(可惜我趕時間)
Virginia見我身水身汗, 竟然主動遞上紙巾, 「畀你抹一抹汗」(忽然感動得, 未食雪糕都成個仁溶晒)
因為士多啤梨味是這兩周的新產品, (Menu都大大隻寫住Osusume,
無理由唔試新嘢...雖然我最想食士多啤梨溝抺茶,
但今日不設供應喎)
Angel一邊幫我加入蕨餅, 白玉, 一邊說:「我自己鍾意牛奶味多D, 因為濃過出面嗰D」Angel非常好人給我老闆勞 先生電話.
其實, 2個月前我也有來過, 當時只有勞老闆一人, 不見日藉老闆娘, 我說:「介唔介影一影雪榚製作過程呢? 同埋點解你會同埋日本女士合作攪雪糕店呢?」
勞老闆坦率得非常可愛:「你寫blog...我點知你係唔係啲打手嚟寫衰我㗎? 同埋我同傳媒都無講, 我驚我講畀你知, D傳媒會炸我型」(吓??你會唔會諗多咗好多?)
我覺得我手寫我心, 兩位店員態度親切, 又有禮貌, 能夠聘請到如此有禮貌的員工, 絶對「執到寶」. 至於雪糕...
Angel說:「士多啤梨雪糕, 用真正生果混入雪糕漿打成」(係! 今日34度食雪糕一流, 不過這裡的雪糕, 奶味感覺少咗啲, 沙冰質感多啲, 完全無藥水味, 真係好士多啤梨)
估計勞老闆知道兩個月前, 「麻甩佬」賣雪糕, 賣點不及美少女, 更不及出動日本老闆娘親自銷售, 生意頭腦忽然成功開竅.
(出橋的一定要讚啦...)
今日要特別多謝Angel, 及Virginia, 妳們真的超好人.
Check in Tokyo
地址 : 旺角登打士街43P-43S號地下9B號鋪
沒有留言:
張貼留言