魚子媽來電:「不如約埋小小豬媽一齊去Lunch囉...因為PR姐姐想搵親子組試食喎」(好呀!...吹下水, 又有得食, 正呀!)
今日去中環居酒屋食日本菜, 位置就在蘭桂坊旁邊, 若不是有人邀請, 我已經8年無再闖入蘭桂坊, (唉!不竟老來從子, 一早收心養性啦啦)
沿雲咸街暗斜直上, 右轉入安慶臺, 走上約20級石階便是居酒屋的位置所在.
中環來說, Amazake算很大, 而且隨處也見一個個大肥佬相樸手, 莫非老闆是相樸會主席?
還是他正是娶了位美女做老婆的「琴獎菊」?
PR姐姐在旁笑笑口:「唔係呀!只係老闆希望餐廳做到相樸手的進取, 及代表性」(唔...少少反高潮嘅!!我幻想比你解釋好似正啲啲)
這裡每張枱都有骰盅及啤牌, 還有一個相樸肥佬...
我問:「會唔會被人撻走㗎?」PR姐姐:「都有嘅, 但係唔係好多囉」
啤牌印製得很有心思, 每張也有肥佬相樸手, 最攪笑魚子醬指著「JACK」跟魚子媽說:「佢好嬲呀!」(聽到BB話, 我真係好後悔, 當初好少同阿囝拍片呀!!)
原來, 今日食的Set Lunch是隱藏版定食, 要向店員說, 來$180十選三迷你丼選擇, 他才會向你展示餐牌喎. (咁神奇?咁得意?)
一睇便知這份是前菜吧! 說話說得太多的我, 順便拿蒸蛋滋潤一下口腔.
因為4個人, 每人一份迷仔丼, 剛好可以完全叫齊十款選擇, 這就是迷你丼十項全能鐵三角啦!!
我一邊影相, 一邊想:「如果我一個人嚟, 應該點那三款最抵呢??」, 我只是知道, 我一定不會選擇烏冬及豬肉雞蛋, 估計應該最便宜吧!
不過, 小朋友沒辦法, 就是吃最便宜的, 就算阿囝來的話也跟魚子醬一樣, 因為暫時他對魚生也不感興趣.
最近, 囝不停要我帶他去吃自助餐...(小學課本會教啲咁嘅嘢??), 不過帶他吃壽司, 永遠只食粟米及加洲卷, 雞仔肚食Buffet, 一定蝕硬...(無著數)
放在粒粒刺身上的一小匙羹海膽, 當然要先吃為快....味道也算鮮, OK啦!! (多謝魚子媽跟足我的公式「食相」拍攝!! 估唔到...你真係得閒睇我個Blog喎...嘻嘻)
今餐我最愛就是吃三文魚籽, 不腥不澀, 微微爆點輕甜, 第一次覺得好食過旁邊的三文魚.
小小豬媽氹小朋友確有一手, 兩三下手勢, 又可以逗得魚子醬哈哈大笑. (望住兩位全職媽媽, 真懷念當年全職爸爸的日子...究竟我幾時先可以游返上岸呢?)
吃飽了又身痕, 周圍影影, 原來下午2時半落場, 但水吧的店員仍然很落力的練習, 6時才開始晚市, 若果是我, 還是躲入休息室眠一眠最啱我.
臨走前, 大門口有一個大頭佛頭盔, 本來是用來作$20即影即有相的道具...(但我咁Cheap..用自己相機影就算啦...不過係米我個頭太細呢??無咗對眼嘅)
Amazake
中環安慶臺1號安慶大廈地下
沒有留言:
張貼留言