網頁

2015年6月11日 星期四

【是旦買幾蚊就玩得】40 Mins喪跳波波池 @太古 LIVE HAPPY

「勁呀!! Yeah!! 攞水泡!! 凸個頭出嚟啦!!跳落去....」以上全部是剛才玩太古城 「波池的海」, 超巨大「黃波池」大家的對話.


瘋狂!! 興奮!! 尖叫!!刺激!!汗流浹背!!飛越巔峰...以上是我們這一家, 玩完由溜冰場變身成震撼波波池的即時反應.


40分鐘實在不夠喉...我有想過竄入大人池區, 讓所有黃波, 灰波, 白波活埋我, 直至下一場朋友過來, 我才升回池面...可惜, 仁老手腳慢...被阿囝拉住了.


入「波池的海」玩波波池, 近乎免費, 只要你持商場內, 6月份任何消費收據, 即去APITA買粒珍寶珠, 或者麥記買包薯條, 再讚好「Cityplaza Hong Kong」FB專頁, 即時可換領一場入場卷跳過夠.


(真係正, 可惜得3日, 6月13日-6月15日, 計我話應該攪足30日就最啱)


每個入場朋友, 「波池的海」都會送你一對襪, 主要怕你本來的一對襪會弄濕...其實應該是衛生問題, 此舉絶對要讚揚大會~ 「LIVE HAPPY」啦!!


其實我這位老仁, 從未玩過波波池, 今晚是我的第一次...我小時候都好想去「出奇老鼠」玩波波池, 但家母永遠以污糟理由拒絶我, 估不到我今晚可以臨老入波池.~哈哈


SY因為未夠140cm, 所以不能走過軟墊橋, 過去另一端的大人池區, 好彩他不知從何找來一個大水泡, 自得其樂在小童區跳上潛落.


SY:「你哋去大人嗰邊玩啦...不過唔好去玩咁耐呀!」(嘩!我忽然好感動呀!阿囝...你咁生性, 阿爸一定會盡性放任咁玩㗎喇)


那條有7級樓梯高度的超級滑梯, 嘩!超級離心感...勁正勁過癮, (如果再高啲仲正), 但原來阿太驚到緊閉雙眼喎...(嘥晒呀妳!!)


我要再玩, 玩完你就會完全感受到何謂「笑到見牙唔見眼」喇.


每位入場朋友, 大會都會非常細心借上一個小腰包, 方便我放Locker鎖匙, 相機後備電池等. (早知我戴係件衫入面...我覺得自己似賣魚佬)


「開心就是咁簡單」SY:「爸爸你搵吓我係邊??」估不到只有0.4小童池, 阿囝也可以如同一條小丑魚般鼠來鼠去喎....


一場只會有80人, 大人區就非常鬆動, 但因為小童區較細, 我又怕會誤踏其他小朋友的手手腳腳, 所以玩得有點不夠放...


但SY玩得投入到亂跳亂踢亂舞, 我真的怕他會興奮過度, 今晚又發惡夢, 當我們是波, 不停伸腳亂踢喎....怕怕


夠時間要離場....不捨得走的SY:「真係好好玩..爸爸可唔可以再玩?」(你唔攰咩??) 精力充沛的小朋友立即彈起:「我再跳多十次都仲得」



一於星期六再來, 齊齊再次跳個喪心病狂啦!!

參加辦法:
日期: 2015年6月13日6月15日
地點: 太古城中心冰上皇宮溜冰場
開放時間: 上午10時至晚上10時 - 每節40分鐘(共9節),每次最多容納80人
入場限制: 成人區域 (身高1.4米或以上)/ 小童區域 (身高必須高於0.8米)
(清潔小休:下午1時至2時/下午4時至5時/晚上7時至8時/晚上10時後)
小童池區域約0.4深,而成人池區域約0.8

沒有留言:

張貼留言