位於煙廠街這間CAFE叫 J-POINT, 一個好熟悉的名字, 為何好像是抄襲90年代一本雜誌??
一走上樓, 原來CAFE還有兩間小房間, 可以學日文. 有點懷念十年前, 學日文的日子, 霎眼間掉低8年的日文, 真的連A, I, U, E, O都忘記得一乾二淨.
這CAFE是一間很傳統的CAFE, 只是牆身的一邊貼滿一堆當年我瘋狂追日劇時的偶像海報, 及一些日本人愛專業簽名用的正方形白板.
(心諗...又扮得幾鬼似係真嘅日本偶簽名咁喎...不過...田中麗奈都唔見左好多年...點解唔貼堀北真希, 新垣結衣??)
今日我們坐正一部30吋大電視的旁邊, 有無敵破壞王陪玩波子棋, 對!近期鬥獸棋, 圍棋, 波子棋就是SY的最愛娛樂. (當然有得睇卡通片就另計啦)
一定要讚就是那個絶對媽媽味道的紅蘿白番茄薯仔湯, 我還以為日式CAFE一定是味噌湯, 想不到來一個家庭式湯水. 好飲好味道.
之後上場的便是主菜三熊睡覺咖哩飯, 老實說公仔的計設不致於驚為天人, 但算有心思, 特別是那兩條爆開的小腸子.
吃熊仔餐可以得到一張即影即, 我們當然請店員, 再用相機來與櫻井翔齊齊影家庭照啦!! (其實, 可幾揀...我鍾意二宮多一點)
沒有想過大棉被內, 竟然收藏了隻雞翼...頗有趣, 至於Q版三熊睡覺飯的味道就是不過不失. 因為賣樣的, 預計了味道不會驚天動地呀!
甜品登場, 統一的熊仔角色, 恕我孤陋寡聞, 玉桂粉我知, 真正玉桂是否真的與蘋果口感似得如此呢?
班戟中央有雪米糍, 任何雪糕也讚好的小朋友, 即場示範「好食到震」的感覺給我看喎.
之後我發現了CAFE的的天花板竟然有我的最愛幪面超人頭像呀!! 還要各款都有初型及終極型態, 一對一對收藏, 看來主人不是凡夫俗子之流...
與此同時, 本來在教室的日文老師Eddie剛剛下課, 一問之下, 原來他除了是SenSei, 更是CAFE老板, SY與我一走入教室即時忍不住大叫:「嘩!」一聲.
這根本不是課室, 而是放滿戰隊玩具的秘密基地, Eddie:「係呀! E度其實係我個倉嚟架」(救命呀!!如果我嚟上堂, 可唔可以一路玩戰隊, 一路聽書㗎?)
Eddie SenSei絶對是超級戰隊迷, 當我想問SY海賊戰隊與魔法戰隊的關係, SenSei即說:「第二集米變咗條飛龍出嚟囉」~簡直戰隊字典一樣.
(點解會做公仔定食呢?) SenSei話:「因為網上見到日本媽媽便當好靚, 香港又唔見有人做, 於是就試下囉」(其實, SenSei一邊講, 我雙眼一直無離開過啲玩具, Sorry!)
原來三隻熊仔由三種材料造成之外, 還有另一個意思...SenSei:「咁啱...我覺得好似我老婆同兩個囡瞓埋一齊個樣...」(咁你呢???)
SenSei想也不用想:「無我份㗎...因為我出咗嚟做嘢囉..., (我以為你係嗰兩條腸), 唔係呀...條腸係陪瞓公仔麻, 其實有個熊爸爸單人餐, 我就係嗰隻熊」
再問之下, 原來SenSei就是當年J-POINT日本雜誌主編, 因為雜誌結業, 所幾一直沿用這個名字作教室....(吓??即係上面啲簽名係真㗎?? 真係有眼不識泰山!!好彩頭先我無大大聲講出嚟咋...失禮晒!!)
期待著下一期的兔仔公仔飯... (早知當年我都讀好啲日文啦!!)
大仁生活facebook
沒有留言:
張貼留言