【長洲名物】芒果糯米糍大比併

自從油麻地開了長洲糯米糍, 我才知原來長洲間間店舖也賣糯米糍, 連地膽朋友也說:「其實長洲而家有成十幾間做緊」(嘩!咁米似7-11, 梗有一間係左近)

我今次找來五間糯米糍大比併, 當中包括「允升甜品, 海傍美食, 愛群, 嚐甜, 及芒果王(勝記)」, 或者你會問:「點解無油麻地嗰間呢?」

其實我本來只想找允升, 長洲糯米糍, 及芒果王, 但對於一個一年才入長洲一次的人, 找來找去也不見所謂碼頭對面, 7-11旁邊有長洲糯米糍, 所以放棄了.

幾下純粹個仁意見, 不喜勿插!! 首先我們走入「允升」, 買了兩個糯米糍, 本來打算坐在堂食, 但店員冷淡回應:「淨食糯米糍要外賣」(無問題...又係嘅, 食$20蚊嘢, 阻住人真係唔好意思)

第二檔是碼頭右邊斜對面, 包羅萬有的「海傍美食」, 大菜糕, 大魚蛋, 砵仔糕, 布甸, 總之長洲流行的都有...(絶對周身刀...)

第三檔是往右行的「愛群」, 這間Lovely Island有一個大大的走馬宣傳燈, 真的失明也看到有糯米糍賣.

第四檔是一間比較新派的乳酪雪糕店, 因為我見老闆娘努力在包榴槤糯米糍, 阿太想買一個試試, 於是又順便把她們的傑作加入戰團.

最後一檔便是天后宮前的「芒果王」正碓名稱為「勝記小食」, 已經開業近3年, 近半年才搬到現址.

「芒果王」前有四張長枱, 今次我們的大比併就在這裡正式開始: (註:高度統一扣除間尺邊緣的0.8cm空白位置)

「允升」是唯一使用黑糯米作外皮的一間, 印象中去年吃的還是一般白色, 不知何時變黑了.

賣相似一棵石春, Size亦是五個參選人士中最肥大的一位. 

長:8.4cm

闊: (2.2-0.8)=1.4cm

芒果甜: ★★ "帶微酸"

意見:因為表層凹凸不平, 凹陷位置藏了更大量的粉, 愛吃黑糯米的人一定超喜愛, 因為糯米料夠足, 非常厚的外皮.

「海傍美食」是唯一一間未能將芒果完全包圍, 露餡真的有少少外相...,  有點似走了光喎...!

長:7cm

闊: (2.4-0.8)=1.6cm

芒果甜: ★★★

意見:以Size推斷, 他們有可能一隻芒果可以製造出4隻糯米糍, 粉較充升少, 但同樣是「成口粉」 

「愛群」是「海傍美食」的左鄰右里, 故此兩間的質素也不相伯仲.

長:6.6cm

闊: (2.5-0.8)=1.7cm

芒果甜: ★★★

意見:這是五隻糯米糍中Size最細的一隻, 而且亦是最最最厚粉之選, 若果你愛吃糯米皮, 又要極度煙韌感覺, 這間一定合你口胃.

「嚐甜」比較接近水準, 看得出芒果選材是花過心思, 只是揀的芒果品種有待進步空間.

長:9.5cm

闊: (2.1-0.8)=1.3cm

芒果甜: ★★★

意見: 粉不算太少, 但尚可接受, 雖然外皮的厚薄不一, 但某部份可以造得很薄, 估計不斷改良後, 可以有更出色的貨色登場.

「芒果王」~眼睛是雪亮的, 何謂晶瑩通透, 皮薄饀靚, 其實所有佳麗並排一看, (第一張圖), 最右邊的一片, 外觀上經己完勝.

長:10.5cm

闊: (1.9-0.8)=1.1cm

芒果甜: ★★★★

意見: 好食到講唔到野!! 我愛「芒果王」皮薄, 不太煙韌, 少粉至近乎沒有的感覺. (當然我知道一定有人愛惡與我不同, 若你與我有共同愛好, 我絕對推介這裡)

事後我向老闆娘八卦得知, 原來鄭先生是店內唯一的大廚, 其他人只負責切芒果或整理工作, 鄭太:「我哋邊度學到阿鄭生包得咁均勻呀!」

另外, 她們只由泰國訂呂宋芒, 還要指明一定要用開那款, (唔好意思..我唔記得咗個名), 假日一定要做1000個糯米糍, 即要用500隻芒果.

其時晚上約7時, 我問鄭太為何鄭生還不停手在造呢?? 今日落雨, 遊客少了很多...鄭太:「我哋收Order㗎...有人話9點嚟要十打, 所以E家要趕工囉」

 (鄭生!!抵你稱王啦!!)

大仁生活facebook