【清水變綠茶】拎一拎, 搖一搖...即刻變綠...得咗!! @ 伊藤園宇治抹茶

因為飲食男女推介, 銅鑼灣Sogo有ShakeShake綠茶, 所以今日專誠去買來玩玩.

老實說, 早在10年前, 我Sogo也見過差不多的玩意, 但當年的不是伊藤園的宇治抹茶, 沒果沒有記錯, 應該是井六園.

因為飲食男女效應, ShakeShake綠茶全店只賣剩四支...可能與做特價$11.9亦有點關係. (如果他日開舖頭, 一定要請佢哋嚟介紹, 貨即時可幾去晒...勁!!)

已經學會了不少中文字的SY問:「邊度寫住個(搖)呀??都無...」(日文字...振って作る呀!) ~「夫咩話...我都唔識日文」說罷就走了去看零食...

結果有小朋友說要學叮噹食豆沙包, 於是快快一同付錢便回家玩遊戲...

回家拍了照, 便急不及待立即開始實驗啦!! 

首先要撕開包裝紙, SY問:「清水嚟嘅?? (你都未搖) 呀!!係喎...咁快啲啦...好心急呀...」(咁心急...咁你自己攞啦)

說時遲那時快, 小朋友已手起樽落, 不停上下搖搖搖...(嘻嘻~其實我整蠱緊佢...)

當搖得5-6下之後, 小朋友再望望綠茶...疑問地叫:「點解仲係水嘅 ?? 都無變綠茶...」...(嘻嘻~黑心的爸爸在偷笑...)

當然啦!! 我還未扭開蓋吧!!, 因為綠茶粉是預先藏在樽蓋入面的....

當一扭開蓋, 綠茶粉便慢慢滲入清水....(你試下E家搖啦...)

今次一搖全支即時變綠...得咗...SY笑笑口:「魔術師變魔術...綠茶到」

(好唔好飲??) SY冷冷淡淡:「茶味囉...畀你飲...」(好飲都唔會畀我啦...)

其實為何要即飲即沖呢? 我不知道, 但茶味不是太濃, 有少少回甘, 之不過, 我估計可能水的份量太多吧...又或者再多點抺茶粉, 味道會更正...可能我愛濃茶吧!!

大仁生活facebook