我連續三年問婆婆:「我點稱呼妳好呀?」婆婆每年都答:「叫我雞蛋仔婆婆...長洲人人都係咁叫我」
為何我每年都吃班戟...因為婆婆每日只準備8-10底雞蛋仔的蛋漿, 每年嘉年華完結也差不多18:00, 前年有慶吃到當日的最後一底.
婆婆說:「食薄餅啦...如果你想食雞蛋仔, 我都可以再整, 不過要等差唔多一個鐘, 唔好等喇, 你哋有細路, 7點先行去坐船, 返到屋企太夜喇...」
(婆婆就是代表關心, 我鍾意志記就是因為這裡好WARM)
婆婆家人住在屯門, 久不久便會坐船去長洲, 婆婆問:「你哋住係邊架? (旺角)...哦!婆婆十年都無去過旺角, 尖沙嘴啦」(正如我十年先一次屯門一樣)
十多年前婆婆跟隨丈夫到長洲做泥水, 不過後來工程愈來愈少, 於是兩人便轉營開士多.
婆婆一邊做班戟一邊說:「E架車都係伯伯自己整架, 蛋漿又係佢自己研究出嚟...」(三年來, 我也只見婆婆一人, 所以我不敢問伯伯在那裡)
雖然雞蛋仔我只吃過一次, 但還是愛婆婆的充滿蛋味的班戟多一點. (好實在的蛋味, 好軟好棉甜在心的感覺, 好正)
婆婆說:「我自己都鍾意食薄餅多啲, 而且薄餅係炭爐, 不過唔知點解, 個個嚟都要食我啲雞蛋仔啫?」(我情願妳的雞蛋仔售罄, 也不想人哋知道妳啲班戟仲好食呀!!)
志記門前, 婆婆放了一個汽水櫃, 自助的雞肉腸, 魚蛋檔位, 每每有人要貨, 婆婆都會中氣十足的說:「你自己攞啦, 之後計好幾錢, 畀我就得, 有辣醬, 有甜醬, 小朋友點甜醬啦!!」
(十足我家外婆一樣, 關懷中帶點氣勢的語氣)
每年臨走時, 我一定對婆婆說:「身體健康」, 婆婆每年也會回答我:「有時間再嚟探婆婆啦! 不過唔好太耐喎.」(一句簡單的說話, 但每年我都會感動到身體有啲震!!)
今年的嘉年華比較掃興, 因為間中有局部地區性大驟雨, 當日我才發現, 原來打風最好不要到長洲, 事關這裡任何位置也十足應風.
其實顧慮也只是大仁一廂情願, 因為小朋友根本不介意落雨, 可以玩, 可以換平安包, 己不理足球是乾還是濕, 地上有沒有水氹.
我對SY說:「今年無咗個跳彈床」SY只對我說:「梗係啦...落雨吖麻」(你真係好了解喎...小朋友)
昨日太天清醮的三個包山, 因為連日大雨, 令至大部份平安包也發霉, 而當日師傅正趕工搭建包架, 當時還沒掛上平安包.
師傅說:「每年也希望到最後才掛上平安包, 就是怕天雨影響」(估不到今年就正正又嘥約四千個平安包)
昨晚, 是11年來第一次臨時取消了搶包山的比賽, 每年凌晨我也追看電視, 我只是觀眾也如此失望, 我想本來參加比賽的朋友一定更加失落.
沒有留言:
張貼留言