Samsung PR姐姐聯絡說:「我哋有新電視出喎, 不如你睇睇吖?」 其實, 我去年才換了一台新電視, 興趣不大...
正當我想推辭之際, PR姐姐繼續講:「今次係ICC 117樓總統套房試玩喎, 環境唔錯」 吓??? 總統套房?? 我幾十歲從未入過總統套房, 去!去!去!帶埋SY齊齊去.
今次兩仔爺第一次走到天際100, 走入電梯SY突然雙手掩耳:「耳仔好痛好痛, 好辛苦, 點解要去咁高嘅...耳仔真係好似有人壓住咁痛!!」(你咁誇張嘅小朋友...)
總統套房門口和我平常去旅行住的酒店房好像也是差不多???
不過, 一走入大門口, 氣派...嚇死人, 一個大飯廳, 放有一張16人大圓枱, 另一邊客廳，則放有三張梳化, 及一張貴妃椅, 單單其中一個大廳, 已等同我家的總實用面積喇!!救命...
老實說, 我家如此狹小, 又怎能放置如陳列的48吋, 55 吋, 88 吋大電視呢? 難怪Samsung要租下總統套房, 否則怎一次過展示7台超巨型大電視呢!!
今次的電視與看慣的平面電視不同, 全部也是曲面設計 SUHD TV, 但對於再有甚麼新技術, 對不起, 我真的聽完也不明白...
只知道弧度達3000R就是48吋以下機種, 50吋以上就有4200R弧度. 不過我廳只有100呎怎放部55吋電視呢?
專家比較去年 (圖左), 與今年 (圖右) 電視, 兩者都是4K解像度, 但今年就將色域提升至10億, 去年的機種只有1.6千萬喎. (其實, 我唔係咁睇得出有咩分別, 不過專家問我係米靚啲...我就答:哦!)
其實, 我和SY一樣已經心不在焉, 他本來也極愛看電視, 可惜內容並不是試機的七彩生果, 及陽光與海灘, 他最想用4K電視看J2的大頭公主愛作戰II.
之後, 我和PR姐姐講:「可唔可以入主人房睇架?」...(嘩!間房又係大過我成間屋嘅!!)
何謂高床軟枕?? 我坐了一下...已經舒服到想鑽入被窩內大覺瞓.
SY也忍不住問:「點解E度咁靚嘅」, 當然靚, 我估計總統套房起碼住一晚超過4萬元, 否則我也不會來見識見識啦!!
從117樓, 向下望維港景色原來真的另捨不同, 六合彩呀!!六合彩...我何時才可以買得中呀!! 我想每晚望實海景, 看大時代慳妹同方展博呀!
人站在100樓以上, 絶對不止HIGH, 而且自我感覺忽然很有氣勢, 十足十悟空變身做超級撒亞人一樣...大地在我腳下...呀呀呀!!
原來總統套房附設單筒望遠鏡一支, 何解呢?? 樓下有甚麼好望呢?? 暫時還未找到, 如果請我住一晚, 我應該可以知道答案的.
沒有留言:
張貼留言