同樣是黃金海岸, 同樣是「We嘩! 嘉年華」, 原來上一次玩, 已經是半年前國慶.
兩層樓高的變色龍蜥蝪, 絶對是每個小朋友首選要跳要瀡的遊戲, 可能今日是假期的第一天, 所以參與小朋友不算多,
SY只是等了7分鐘就可以瀡.
今日他玩了兩次, 而且每一次也計算著由蜥蝪往下瀡的次數, 「爸爸, 我第一次瀡咗20次, 第二次破記錄25次…」
我問:「咁你仲玩唔玩第三次呢?」他遙遙頭:「我想玩船仔…」
有理由相信可能戶外關係, 怕熱又大汗的阿囝, 原來不是為了玩, 可以去得很盡的喎.
與阿囝相識了6年半, 原來我對他也不是十分了解, 我以為他最愛刺激的瀡滑梯, 但今日他竟然不停要求玩船仔.
一個極度靜態的活動, 但這位小朋友又真的玩得很投入,
不停大叫:「前進, 全速向右, 爸爸你睇我轉得幾快」
不停講, 講不停, 一時又話到咗油塘, 一時又話去到九龍城, 轉一個卷就大叫:「爸爸…我去銅鑼灣啦..」
當時一位在水中央的工作人員姐姐很攪笑的答:「我都想去銅鑼灣喎, 可唔可以載埋我去呀??」平時非常怕羞的小朋友竟然點點頭喎…莫非他覺得這位姐姐很吸引???
之後就玩我唯一可以參與的「We嘩!水上飄」, 自從我上次玩完後, 覺得這簡直是最佳發洩工具,
360度翻騰, 刺激到整個人可以暫時忘記煩惱,
這4分鐘真的很正…
如果泳池大一點, 又或者4個「水上飄」卷筒, 減水一半, 那我就可以不停向前進,
跌跌踫踫翻翻滾滾, 感覺一定如打完小人一樣,
鬆晒爽晒正晒.
之後便是「恐龍捉雞仔」遊戲, 當時間一到達3時半, 一頭速龍便「嘩! 嘩!」步至一樓露台, 牠準備與30位小朋友玩「麻鷹捉雞仔」.
在玩的同時, 我聽很最多便是:「扮恐龍個人真係辛苦」, 「可能件衫太焗, 都唔見佢點郁嘅」, 當然辛苦錢絶對不易賺, 不過今日26度還算好, 當暑假35度, 分分鐘恐龍捉捉吓雞仔都中暑呀!!
今日, 阿太竟然被揀中當了母雞一職,
小朋友真攪笑, 明知恐龍是人扮, 還是驚驚慌慌, 向前又退後, 又要躲在母雞身後, 不過嘻嘻哈哈, 小朋友們笑, 大人又跟隨齊齊笑, 開開心心到不得了.
一分鐘的「捉雞仔」遊戲很快完結, 小朋友當然耳油未盡, 但恐龍要與6批小朋友玩各自一分鐘, 還是每組再來合照, 即是每節恐龍哥哥要焗桑拿最少10分鐘, 真的瘦身最佳辦法.
與龍合照後, 我問阿太:「好唔好玩呀?」她答:「幾鬼攰呀又熱, 阿囝又拉到我實一實…早知你嚟扮啦 (我要影相麻)…車!我都識影相架」不過...
其實我下次想扮恐龍, 因為我見每當恐龍尾踫到小朋友,
又或者行近大小朋友, 隨即一定有人「We嘩!大笑」, 不過要扮, 一定要改入商場舉辦的時候, 否則我行兩步一定焗到即時休克都似.
沒有留言:
張貼留言