2015年4月12日 星期日

【泰國潑水節】濕晒!! 底衫底褲都濕埋 @ 九龍城 Songkran Festival 2015

「嘩!! ~哈哈哈!!, 「嗚! ~哈哈哈」, 「噢~噢哇~哈哈哈」今日在九龍城聽得最多除了水聲, 就是歡呼大笑聲!!


連續第三年參加九龍城~泰國新年~潑水節, 第一年傻頭傻腦以為九龍城寨公園園便是起點, 原來每年也是打鼓嶺道公園作起點.




不過, 今年規模擴大了, 真的在九龍城寨公園也同時舉辦潑水節嘉年華, 不過, 場內沒有任何「玩水」項目, 只是有攤位遊戲及表演.


全心來玩水的SY, 表情呆滯, 當我講:「去另外一個公園玩水囉」小朋友即時回復精靈:「去啦~去啦~快啲去啦!!


打鼓嶺道公園由中午一點已經聚滿大小朋友, 去年我們兩點已經到達, 原來遊行慣常是四點半才出發, 所以去年我們未出發已經全身濕透


今年, 我們大約四點才到達, SY先到公園旁為水樽入水, 我則在隔離許願, 工作人員又為我不停在臉上塗上爽身粉, 又祝我身體健康, 心想事成…(Yeah!!強烈預感今年一定願望成真)



之後我跟隨SY走入公園, 對是一個溫和的兒童戰區, 大戰前夕的熱身好地方, 試試你的水槍威力, 不過就算有問題, 可能最近亦只有到九龍城廣場才能添置新裝備呀!!


公園內雖然間中也有數位大朋友在激戰, 但小朋友聚集地, 亂極也非常安全, 起碼我只是頭髮亂了, 全身只有一成衫褲被沾濕…SAFE~


熱身約30分鐘, 是時候走過對面大人決戰地帶, 我對SY:「出發啦!!, 小朋友回應:「好!!, 於是一家三口便走到對面一早已依依嘩嘩的城南道, 加入戰團.


每年城南道與衙前圍道一定是最衝鋒陷陣的熱點, 大水柱, 巨型水槍, 無數礦泉水樽齊齊噴水, 我只可以用四個字來形容:「瘋狂‧興奮」


水來水往的街頭, 載歌載舞的泰國朋友, 熱情得一桶桶水向朋友倒過去, 興高更加彩烈. 露天濕身PARTY真的太好玩, 「爽呀!! 爽呀!!」當我還未笑完, 我又已經被人迎面射至半身盡濕


每一部經過的汽車, 也會被極度投入的男男女女徹底「清車」, 當然除了射水外, 更加配上不同祝福的七彩爽身粉, 即是「清車」完畢後, 車身會更加添上色彩.


其實, 所有人及車, 只要一經過城南道, 一定會濕得淋漓盡致, 就連警察細馬也不例外


前日我告訴同事, 「九龍城潑水節, SIR一樣被受祝福架」, 同事回應:「嘩!! 咁正真係好喎會唔會有一炸黃絲走出嚟??(咁開心嘅日子, 應該不涉及任何政治掛…)


其實, 這位警察叔叔都算不錯爽身粉滿頭滿身, 整個領口被人拉開, 倒水, 前面還20支水槍不停射著, 結果, 他被玩足一分鐘才被放行, 之後大家又再玩下一部汽車


強勁音樂, 加上左右不停噴射的大水柱, 整條城南道似十足水上樂園一樣, 不過舖頭拿出洗車用的水槍, 威力太強大啦其實被射中, 真的有點痛.


戴著假髮, 魔鬼面具的朋友應該會更加辛苦, 因為肯定他焗住更加不自在…SY成身震震震, 大叫:「我連底褲都濕晒好凍呀!!


緊張的阿太, 即時將阿囝拉到街尾, 為小朋友換上後備衣服, 準備繼續作戰.


與此同時, 街尾開始傳來打鑼打鼓的熱鬧歡呼聲, 原來巡遊大隊正浩浩蕩蕩轉入城南道 . YEAH!!! Happy New Year~


大隊其實還在叫喊口號, 不過可能是泰文原故, 我不知道他們說甚麼, 我只知道大家也在嘻嘻哈哈, 潑水射水, 喜喜洋洋


我知道SY不悅被人於臉上塗上爽身粉, 但我對他說:「人哋姨姨係祝福你, 希望你身體健康, 係泰國習慣, 你都要接受一下喎」, 所以有人就算不情願, 也不反抗…(叫有進步喇, 第一年小朋友一被人抹爽身粉, 即時大喊添呀!! )


突然, 一桶大凍水從天倒下, 我們三人全身濕上加濕, 望一望後面的大廈, 原來有住客為我們送上完美的祝福, 真的好感謝你


今年是玩得最濕的一年, (學阿囝話齋:真係連底褲都濕埋), 我們怕SY, 於是決定快快回, 不跟大隊回公園.


今年濕得特別勁, 意味應該可以盡情洗走過去一年的衰運. 明年!! 著好雨褸, 我們會迎戰到底. 2016 Songkran Festival 再見. (今年被人射到咁鬼痛, 出年唔可以只係攞支礦泉水樽嚟, 一定要買支勁槍先得)



潑水巡遊路絡: 打鼓嶺道公園 >啟德道 > 城南道 > 太子道西 > 南角道 >賈炳達道 > 打鼓嶺道



沒有留言:

張貼留言