由Note1開始就用三叔的我, 大芒是必要首選, 不過玩了三部Note開始有少少悶, 所以今日專登襯Galaxy S6發報會, 第一時間試玩恨了很久的S6 edge.
本來約了悅悅一家吃飯, 所以我問悅媽:「介唔介意食飯前陪我45分鐘, 因為我好想去玩部S6
edge」.
其實, 我一直擔心小朋友會悶,
又會四圍走, 誰知我真的杞仁憂天, 一部全無任何遊戲的齋機, 竟然可以吸引他們玩足45分鐘. (唔係呀…乜都無都可以一路玩一路笑??)
科技一日千里, 更何況我部老爺Note3是18個月前, 54萬7千里的舊作呢? 所以Note3一比較, 又黃又矇一早肯定吧!!
577ppi的S6 edge (我部得388ppi咋, iPhone 6+都有401ppi), 畫面Sharp得好似可以鎅穿空氣一樣. (駛唔駛咁誇開呀??)
至於手機對我最最最重要的影相功能, 只要兩張相一比較, 即時高下立見. 從來不要相信有多少千萬像素, 用肉眼比較, 是清是朦起格有渣, 無得走雞.
以前聽蘇施黃節目, 捧得Note4的暗黑拍攝功能如何強大, 我想今日S6 edge的威力一定有過之而無不及.
而我最Buy這部新機的賣點…快快快…0.7秒開相機. 影得快好世界, 開機快仲唔贏晒!!
S6 edge有一個功能, 可以將來電朋友以顏色分別, 不過一定要將部電話反轉放,才會出現效果…(我唔知Cover套冚住情況會唔會都可以,
但我平時唔會反芒放係枱喎, 我又無秘密, 而且我驚個芒會花)
未習慣S6不能更換電池及使用外置記憶卡,
雖然今次入門級已升至32GB, 但因為我外置已配上64GB記憶卡, 所以要買機, 可能我要揀64GB版才夠用, (對於一個從來唔Del相的仁來說, 萬一64GB都爆, 到時怎算好呢?)
工作人員說:「待機模式嗰陣, 你用隻手指「卒」個Edge, 側邊屏幕就會著, 可以即時顯示時間, 天氣, 股市…」(好玩喎, 我最鍾意「卒」嘢架喎!!)
Galaxy S6及S6 edge二揀一, 不用想一定是S6 edge, 雖然售價貴$900. (但起碼有條邊畀我得閒「卒」下「卒」下,得意得嚟無咁悶先啦, 雖然兩邊側屏又真係無乜用)
沒有留言:
張貼留言