2015年4月21日 星期二

【小善存之戀??】 小Oppa Running Man @ 阿囝變暖男


話說3個月前, 善存邀請我們一家三口去新蒲崗玩遊戲, 最初表示六組家庭參加Junior Running Man, 正喎!! 我最鍾意玩遊戲.
  

後來才知道只有小朋友可以玩, 大朋友就有非常好的節目, 就是傾計, 休息, 及望住小朋友玩的閉路電視現場直播. (正呀!!郁都唔駛我郁, 又有人幫我看囝!!)



  
8位小朋友可以由大會提供化靚妝, 頭髮造型,  SYSet完頭」還附有一頂偵探帽, 因為他被工作人員讚「靚仔」, 於是本來極討厭戴帽的小朋友也高興的戴足6小時.
因為一位化妝師要應付8位小朋友, 所以空閒時間, 小朋友就不停在迷宮一樣的地方不停跑, 不停走. (!! 原來有地方放滿一堆仿石像, 黑麻麻你都米話唔驚…).
因為場地是借別人「密室逃脫」的地方, 所以不同地方也有不同玩意, 小朋友射波, 拋波玩到大叫大笑. (即係未比賽先興奮就係咁意思)

當中有一個迷宮, 幾位小朋友在試玩, 我這位叔叔也跟隨一班小領袖走來走去, 最後當然成功找到出路, 不過愛玩的小朋友情願扮看不到出口繼續玩…
有時「潺弱」的阿叔, 真的很難與精力充沛的小朋友角力喎…(善存係米應該長期Sponsor, 睇睇我體質會唔會提升呢??唔該)
中途每位小朋友, 本來也要念一句:xxx小善存, 我哋一定攞第一」(Sorry!!我記憶力差, 完全忘記3個月前嘅Slogan!!), 不過很尾工作人員怕太難, 結果個個小朋友都只須大叫「我哋一定攞第一」就收貨…(輕鬆好多啦!!)
之後就正式開始, 小朋友的Running Junior遊戲, 8位小朋友先來熱熱身, 之後便不停玩玩玩, 但因為閉路電視很細, 我望著望著…竟然睡著了.
  
後來得知, 每位小朋友背部有一個名牌, 最後沒有被人撕走名牌的4人就可以進入迷宮玩第二回合…
我家的小朋友很快已經被淘汰出局, 不過他滿心歡喜的走出來…我不停問:「你笑咩啫?? 講我聽…有咩咁好笑呀」
於是他將張口給我看…原來輸了後, 可以有一粒檸檬味小善存食喎我對SY:「屋企提子味小善存你又唔食, E家你又食哥哥畀你啲小善存??
阿囝含實小善存說:「唔同架, 好甜好好食, 不過得一粒, 你想食呀?? 爸爸…你問吓哥哥啦…」
大會算非常有心思, 因為即使落敗的小朋友也每人有一塊獎牌作記念, 不過, 奇怪當時並沒有派發小善存試食裝, 原來還未出街…

(阿太…這位是大會的負責人, 烏龍百出的阿太, 竟然以為她也是家長, 不斷問妳囡囡幾大膽喎, 咁細個又唔怕羞, 好叻呀!!!我諗人哋都聽到一頭霧水就真)
前事完~霎眼間又過了三個月, 小善存的試用裝, 上星期寄來家中, SY立即急不及待嚷著要食…他對4歲以上的檸檬小善存愛不釋「口」, 我問:「阿囝, 究竟檸檬小善存有幾好食呀?? SY不停「妹妹妹」慢慢答我:「好食到就算被媽媽鬧都好食…」(究竟係咩文法呀??)
好奇的我, 當然也試一粒標榜能提升, 及維持免疫力的小善存, 原來不出所料, 今次檸檬味較提子味來得更似一粒糖, 一點苦味也沒有, 難怪小朋友說:「我想一次過食多幾粒呀!! 爸爸」
  
包裝寫明一盒一日只能吃2, 所以又要花一番唇舌向大帝解釋, 不過他還未明白過量的意思… 只是對我說:「嗰日姐姐話,檸檬糖可以對眼, 對腦有益, 仲話增強體力添….我都無聽過話食得多無益?…

當日在場姐姐, 不用解釋每日只可服2, 因為在場小朋友, 每人只獲贈食一粒, 那又何來過量呢??  (其實甜甜地, 真係幾好食, 連奄尖的阿囝日日都爭住食,睇嚟今次的味道研究得非常好喎)

你嘅小朋友都可以成為《小善存》Junior Running Star的耀目小明星!想知更多,click www.runningjunior.hk

當日SY與其餘所有《小善存》朋友仔的 攪笑片段, 濃縮成12分鐘精華 Youtube片, 快快去睇睇啦, 當中10分20秒最最最勁爆笑....(我同阿太都忍唔住「嘰」一聲笑咗出嚟). 



沒有留言:

張貼留言