2015年4月2日 星期四

【親子做星星】舊衫變公仔 ~ 手腳慢得滯 @ LG工作坊

今日, 我們一家三口參加「舊衫變公仔」親子班, 三個人分別找來三件準備當地布的舊衫出發去…(當然變公仔總好過變地布啦!!)


其實, 這是PR姐姐邀請的LG洗衣機宣傳活動, 不過我都不是太明白「舊衫變公仔」跟洗衣機有何直接關係, 總知有得玩就不再深究吧.




有緣千里能相遇, 今日的老師, 竟然就是3年前教SY繪畫的Mon姐姐, 阿太好高興立即大叫, 不過卻換來SY冷淡回答:「邊個Mon姐姐呀?(我覺得有人在扮失憶喎, 嘴角微微在偷笑中嘅…)


工作坊開始原來一家人只可以造一隻公仔咋!! (等我還強迫阿太帶來跟隨她30年爛地布公仔嚟改造添)


SY:「我想做一個星星公仔」(咁你畫係米奇老鼠衫度啦…) SY即時把米奇褶好:「不如用媽媽件紅衫啦, 我唔捨得剪爛米奇呀!


小朋友好鍾意玩鉸剪, 指定要自己將星星剪出來, 但轉角位又怕剪爛, 終於又要出動Mon姐姐幫手….(E一刻佢又記得返人喇!!)


星星成功剪出來, 之後就輪到最最最艱辛的任務….穿針…(請看圖左阿太正努力但她不停大叫咁細個窿, 條線又粗好難呀)


當然, 我們十年都不會穿針穿線, 一向阿太也是將縫紉工作交托外母大人, 所以她與針線搏鬥了4分鐘後, 還是出動終極武器…Mon姐姐


阿太開始縫製啦!! 小朋友無聊得就在旁邊玩棉花, 而我當然就在旁邊不停影相啦


縫線又是一大問題, 因為我見人人也開始塞棉花, 但阿太還只是縫了兩隻角阿太:「哎呀!! 早知做個三角形公仔仲好粒星咁多角, 好難縫呀!!(係咩??我見隔離位媽媽, 幫個女造咗棵聖誕樹都塞緊棉花啦!!)


結果, 怎樣收科呢??? 好簡單, 就由老仁出馬接力, 縫公仔我真的沒有經驗, 不過可能之前也有去工聯會學過造皮, 穿穿縫縫勉強都可以啦.


之後, 就輪到SY最愛的一個環節~塞棉花, 一邊塞, 有人不停叫:「塞多啲, 塞多啲」不過你也要平均塞入五隻角呀!! 否則個星星肚就欣宜, 五隻角就Sammi


最後收針唔好意思, 因為當時人人都已經大功告成, 我們包尾一家唯有請槍, Mon姐姐麻煩晒.


最後回復記憶的小朋友終於肯主動與Mon姐姐主動合照!! (我問Mon姐姐:「今日唔駛返去教小朋友呢?, 阿太大聲反駁:Mon姐姐係老細嚟架, 好多人幫佢手架麻」係咩??真係失禮晒)


另外, 今日我們一家又同另一位姐姐合照, 她是DBC的主持人泇泇, 我問:「係米家庭個家, 定係嘉頓個嘉?」泇泇解釋完, 我也一頭冒水, 終於她禮貌遞上卡片…(!!今日又學識一個新生字)



最後小朋友大合照啦!! 

「新屎坑」的SY沿途捉緊自已的星星, 又說好靚, 好鍾意不過, 一回到家, 有電視有玩具, 結果一星期眼尾也沒有再望過星星一眼…(!!可憐小星星又被打入冷宮堆)



沒有留言:

張貼留言