2015年4月7日 星期二

【香港良心】烏溪沙吳伯:「我想留白」@ 心心石

烏溪沙海灘的「心心」石,已經成為馬鞍山的地標, 之前我從未來過,今日趁天氣未轉炎熱, 兩仔爺去決定去影心.


由地鐵站問職員,至過了橋到馬鞍山公園又問街坊,全部一聽到「心心海灘」即時義不容辭,指點迷律.





街坊:「好近咋, 直行轉左唔駛3分鐘, 玩得開心啲」(忽然好感到人間有情, 出路與到好貴人)


一走到沙灘, SY便二話不說, 叫也叫不住, 自己走了到灘邊拋石頭...(點解咁多人鍾意拋啲石頭落海呢???我又唔覺得好玩喎)


我發現沙灘上的「心」, 不似報紙報導的, 於是問問泳客, 他答:E個係新架, 米就係執緊垃圾嗰個叔叔砌架囉, 好似舊個心被人砌咗啲字係隔離... 你直接問叔叔最好啦!


冒昧的走到正在清潔沙灘的叔叔旁邊打招呼, 好好人的他:「你好, 你叫我吳伯就得」


(你係米每日都嚟清潔架?), 下午一定係度執走啲腐爛珊瑚虫,玻璃, 星期六就唔嚟, 因為我要去海賓長廊除草義工」(吳伯真係好正能量, 又熱心!)


原來5年半前的中秋節翌日,吳伯開始在沙灘上執垃圾,執玻璃,吳伯:人中秋煲完蠟, 市政工人用水射去沙灘清潔,咁樣係唔啱架,應該用手執,如果蠟射到海中被魚食咗,到頭來人又食咗啲魚就麻煩」


(點解嗰心唔似報紙影嘅??)吳伯:E個新嘅大心,是舊年77, 我同一位李先生合作, 每日慢慢砌吓砌吓, 每日都要修補!


修補原因, 除了潮漲問題, 更因為好多人愛走上石心上, 將啲石頭拋入海...吳伯:「不過,我知佢哋無心嘅, 無所謂啦, 仲好等我每日都有啲嘢做, 每日修補, 有啲勢藝無咁悶麻」(吳伯真係好!)


5年前的元祖心心, 因為旁邊被人砌了「主是」, 「祝福你」...惹來吳怕不太高興:「啲字唔係我砌嘅, 不過沙灘係大家嘅, 我尊重你, 你都應該尊重我, 我覺得應該《留白》會更靚! (咁又係畫公仔唔駛畫出腸呀!!)


吳伯:「如果地球每人出一份愛,彼此互相專重,將來大家都會更加好!」言談間吳伯似有難言之隱, 只知他因為某些原因, 所以重新堆了另一個更靚的大心, 旁邊還有一隻海龜伴隨.


非常熱心的吳伯原來已經66, 傾計期間又有小女孩走來, 送上半年前的合照給他, 逗得吳伯非常歡喜.


望著道別後的吳伯, 又逐步逐步, 拾起沙灘上的癈物, 原來真正香港良心是在烏溪沙, 多謝你吳伯~祝你身體健康。



大仁生活facebook

沒有留言:

張貼留言