阿太:「我想去買茶同食雪糕...(吓? 你講咩呀?)...中環有間日本人開嘅茶店,
老闆識講中文, 佢哋出名賣茶, 同食抺茶、仲有清酒雪糕架」(嘩!咁得意?去去去)
來自靜岡的岡田, 居港8年, 太太是本港人, 所以老闆能操一口流利的廣東話,
所以, 今次傾計無難度.
為雪糕而來的我們, 沒有揀人氣抹茶, 或靜岡焙茶, 因為想挑戰新口味「北海道黑豆」及「純米吟釀」﹙日本清酒﹚
岡田建議:「SAKE味最好等10分鐘先好食, 黑豆就再等耐啲, 咁會更滑, 更好味」(仲好...可以留係舖頭傾計...仲正)
等待過程中, 我發現有曲卡試食, 岡田說:「係我哋同明愛天糧合作架, 隨便試吓啦...」原來曲奇由一班班精神病康復者制作的, 阿太:「個袋好靚...(直情似十足日劇主角裝飯盒嘅傳統布袋)」味道夠濃, 又幫到人無理由不買一袋回家試.
時間差不多, 清酒雪糕可以食得啦! 岡田不建議小朋友食, 所以今次只有我倆品嚐. (唔知係米心理作用, 北海道牛奶好鬼滑, 而且仲好過飲清酒, 阿太一路食一路會心微心,
唔知係米醉鬼咗!)
好客的岡田從雪櫃取出一支純米吟釀:「加少少入雪糕啦, 包你仲鍾意」. 嘩!滿到瀉...不得了,雪糕配清酒, 簡直即時有置身東京居酒屋,
嘆串燒,剝枝豆的感覺.
至於阿囝的黑豆雪糕, 我最初以為即是普通芝麻,
原來我太愚昧, 香甜過芝麻, 滑過芝麻, 更加半點芝麻苦悶都沒有的黑豆, 絶對真豆不露相.(SY不愛芝麻味道, 本來擔心佢唔食黑豆, 不過見佢瞬間KO整杯雪糕, 真係杞仁憂天)
買茶亦是今次阿太的任務, 但因為太多款式, 心大心細, 岡田溫馨提議:「不如試飲一下, 好唔好?」(免費試飲當然好啦...)
入門級的「特上煎茶」$88/50g, 由研究茶藝多年的岡田專業奉上,
首先沖一沖, 岡田遞上茶壺:「你聞一聞!!」 (好香嘅茶味, 點解平時阿太屋企沖, 無咁香??)
(點解你將啲水倒來倒去?)「嗱! 想茶味濃啲, 用70度熱水泡 1分鐘, 如果想啲茶「鮮味」啲，用低搵少少, 60 度熱水泡1分鐘就得」
(原來咁有學問架?? 今次真係抵, 專家即場示範, 仲不停教點飲茶, 用咩茶具, 正~到我想留低食埋飯先走添喎..不過人哋無留我~嗚)
日本岡山人手制作的備前焼茶杯, 我本來不懂欣賞, 但原來壺蓋會隨該年的生肖, 限量燒製而成, 好靚!! 特別是鼠年的一款, 有一個如叮噹的啷啷, 真的可以發聲.
可惜今時今日, 有錢也儲不齊一套12生肖, 因為岡田早前將龍年賣走了, 價錢是$5,000一隻. (嘩!5千蚊一隻杯, 如果撞崩少少一定肉痛死我)
阿太話想買隻$380「有田焼」的扁茶壺, (老實講, 岡田用嘅「常滑燒」沖茶真係好味好多, 我估平啲啲嘅「有田焼」應該都唔差), 而我就好想買那隻老鼠茶杯, 我會努力儲錢, 你等我呀!!老鼠茶杯!
沒有留言:
張貼留言