阿太說, 元朗有間韓國料理的老闆娘很惡, 不准人玩電話, 又准人食剩食物! (嘩!正喎, 妳一日19個鐘機不離手, 又成日做大嘥鬼, 終於有神人來治到妳!! 今晚即刻去食啦)
SY知道阿朱媽會罵人, 戰戰兢兢說:「我好驚...可唔可以唔去食? (你唔玩電話米得囉) 咁今晚我咪好悶??」(同爸爸傾吓計喇!!)
晚上7時半到達, 門口有一塊簽到板, 食客自行寫上人數, 當有位阿朱媽張太有位便會請你入座. 因為我預早電話訂了枱, 所以, 我們不用簽到.
不過, 我發現簽到板旁邊有一盒樹枝, 八卦的我問張太為何有一盒樹枝呢? 張太中氣十足答:「你都好八卦喎...關你咩事呢? 我曬乾啲樹枝浸茶飲, (好好飲嘅咩??)」
張太繼續執碗又再答:「你覺唔覺得我靚呀?我就係日日飲E啲茶囉...(我都想試), 你要咁靚做咩呀? (溝女麻) 吓!??」
說時遲那時快, 阿朱媽張太一拳打了我一下:「(指住阿太)妳今晚唔好畀佢返屋企呀!有老婆仲溝女...畀杯你飲啦...唔好溝女呀吓」(阿朱媽真打架...好痛, 不過杯茶甘甘地, 我飲得一杯又唔覺靚咗喎)
本來我想點炒年糕, 但能操一口流利廣東話的阿朱媽說:「炒年糕細路你唔鍾意食架, 佢食豬骨湯烏冬啦, (辣唔辣架?), 我叫得畀細路仔食, 你話辣唔辣吖?」
烏冬一上枱, 本來以為清淡得如白開水的烏冬一定好味極有限, 不過豬骨煲得腍到豬肉根本不用咬, 一放入口便自動化開. 烏冬湯底直情是似十足家母煲的老火湯一樣. 總知超值超班.
小店其實似茶餐廳多一點, 與尖沙嘴區的韓國料理店截然不同, 清一色的女店員非常之忙, 雪櫃內放滿一壺壺麥茶, 自由自斟自飲, 簡直可以當成自己屋企一樣.
店內有一個雪櫃, 內裡放滿13款涼伴前菜, 你可以隨意選兩款口味, 拌客飯一流, 張太今晚每一送了一碗湯給我們, 並細細聲跟SY說:「記得唔好食剩呀!! 之後食完先可以飲汽水呀!!」
與此同時, 阿朱媽突然大聲叫:「唔準玩電話吓...再玩就出去吓」, 原來有一對情侶甫一坐下, 女的在用手機找資料...但突如其來的一叫, 嚇得SY動也不敢動.
另外今晚的神在之筆, 一定是這碟無敵泡菜薄餅, 會好食得令人上癮, 超好食, 其實應該一人叫一塊就差不多, 現在一塊根本不夠喉.
我愛這種地元韓國真味道, 就是有回家吃飯的感覺, 尖沙嘴韓國街的太似整容後的韓星, 千篇一律, 而且今晚人人也與手機說:「拜拜」, 其實, 不是悶才玩手機嗎? (同我食飯都不停「篤篤篤」, 對住我好悶咩??)
長輩經常說:「囝都係被人哋教最好!!」今晚SY在顫抖的心情下, 不知多乖巧, 而阿太亦破天荒, 全部吃得乾乾淨淨, 原來韓國阿朱媽才是我家的好幫手. (我想搬嚟韓之美食樓上住呀!!)
最後我想找阿朱媽合照, 她霸氣答:「我連記者都唔畀佢影, 我點會畀你影呢??」她話未說完, 又走出店外大叫:「4位入嚟啦...有位呀」(阿朱媽...我下次一定再嚟氹到你合照嘅!)
沒有留言:
張貼留言