2015年4月25日 星期六

【三個年青奶爸】日日賣600粒牛奶糖 @ Cloud Candy

話說某一集「星期日檔案」, 介紹三位手造牛奶糖的年青人, 身水身汗將大大個雪櫃推去「一田」進行展銷, 第六靈感告訴我, 他們背後一定很有故事, 於是上星期親自走到apm, 找找三位奶爸還在不在.

到逹一田, 其中一名老闆阿倫正在雪櫃前點算牛奶糖, 冒昧打了招呼便問:「你哋係米只有E幾款味道呀?」阿倫:「唔係架...我哋有8款, 不過忙得滯, 無時間補貨...」



我向阿倫表明來意, 希望可以介紹給網友, 他熱情說:「我要去宅急便寄貨, 之後你有冇時間, 我帶你上工場試食吖」(免費試食呀? 好好好~貪心MODE)

八封的我問:「點解你唔用順豐寄呢?」阿倫:「宅急便好似信得過啲, 而且仲平過順豐少少...」(咁又係日本嘢, 點都好似大陸嘢啦!)

他們的工場就在apm附近, 室內掛有多幅牛奶糖封面的原稿, 阿倫:「全部都係我拍檔葫盧畫架, (真係好有日系Feel喎...), 我哋希望可以畀多啲幻想空間客人...」

其實不用「畫公仔畫出腸...」, 例如紅茶味, 就是一頭小貓躺於窗台, 懶洋洋在歎茶...(好野...夠煞食, 起碼我這個麻甩佬都覺得你浪漫先啦...)

(E...我見你用3.6牛奶架喎, 點解咁奇怪, 牛奶糖唔係白色嘅??) 阿倫解釋:「我哋無加乳化劑, 天然牛奶煮完後, 乳糖焦糖化後, 所以變成啡色」(吓!!大白兔咁白, 係米我已經食咗好多色素落肚??)

牛奶糖好軟, 好滑, 好奶, (軟棉棉...唔掛得之叫Cloud啦), 十足拖肥糖感覺, 非常適合我這個討厭吃硬糖的仁. 

老闆阿倫話:「8款當中最多人買係香蕉, 因為真係有香蕉肉」, 而我最鍾意薑味, 因為充滿薑粒之餘, 還很有薑汁撞奶的感覺.

玫瑰味不論放入雪糕, 茶, 或糖, 怎也不是我口味, 好假, 阿倫話:「係呀!通常男人都係唔多鍾意嘅!」

(你哋無端端點解會變咗牛奶糖爸爸呢??) 阿倫:「5年前, 我同另一拍檔阿邦, 收到朋友由台灣帶來的鳥結糖作手信, 好正, 好有奶味, 不過太甜又多乳化劑, 所以就決心想用更少糖, 唔用香油, 無防腐嘅健康糖囉」

原來Cloud Candy最初, 在鰂魚涌東龍墟擺市集, 已差不多每次賣出二百多盒, 後來機緣巧合下, 更認識到一田, , 短短兩年時間, 公司已漸漸進入收支平衡. 

(咁點解你哋仲唔全職做呀? 你哋好鍾意E家份工??) 阿倫踏實的告訴我:「我哋都想, E家都係一個月賣1500盒左右, 勉強收支平衡咋, 都未有賺到人工, 如果E家辭工, 餓得死喇!」(都算勁, 2年未夠就收支平衡喎)

(乜原來牛奶糖唔同鳥結糖喎??) 阿倫話:「唔同架, 鳥結糖係用奶粉, 奶精做架麻, 我哋用海藻糖架, 所以離開雪櫃就會愈來愈軟」

大廚阿邦做甜品, 窩夫更了得, (哎呀!!蝕呀...今日見唔到星期日檔案個主角...), 他們三位奶爸下一個目標, 就是開一間甜品Cafe, 我可唔可以報定名做第一批客人呢???

沒有留言:

張貼留言