2015年4月24日 星期五

【好彩無爆炸】 205隻小泥人「手護城鄉」 @ PMQ

一月初, 一家三口走到馬寶寶參加「手護城鄉」泥公仔工作坊, 不過, 導師說:「如果公仔有空氣, 燒製過程就會爆, 咁就無機會去文化中心, 同PMQ喇」

當時心想:「死!!搓泥過程中, 我似混入不少空氣, 好擔心!! 好擔心!!」....霎眼間又過了三個月, 究竟我們的泥公仔能否面世呢? 


原來4月19日就是文化中心展出的最後一天, 之後由4月25日開始, 205隻小泥人又會齊齊移師到中環PMQ繼續展出.

U型枱的設計, 中間打造出一幅泥田一樣, 而放在中間的應該是最突出的公仔, 全部有眼耳口鼻, 好精緻, 相比較我的泥人實在太似BB勞作工課...

SY一到文化中心已經很努力的找找找, 不過患有「記憶體不足症」的他就問我們:「我哋個公仔係點樣架?」(吓??究竟佢係真失憶定假扮唔記得呢??)

SY:「張枱咁多公仔, 真係好難搵喎...」他在枱前轉來轉去, 結果給阿太先找出我造的撒亞仁, 然後假扮引導這位「記憶體不足」的小朋友, 那邊的泥人幾特別喎...

之後SY終於看到心口寫著「大仁」的泥公仔, SY大叫:「爸爸個公仔呀!! 無爆炸到呀!!」(係囉..我都驚真係爆炸連累街坊就真係內疚死)

說時遲那時快, 阿太又再找到當日SY搓出的大隻佬, SY即時滿心歡喜, 「係呀!係呀!我個公仔呀!!」

至於阿太的傑作, 本來一直也找不到, 其實就是遠在天邊, 近在眼前. (有時真係專登搵又未必搵到, 唔搵佢就自自然然浦頭)

現在還有很多美鄉郊的介紹, 不過可惜香港都市化的蠶蝕, 可能到SY長大後, 真的一塊田, 一片菜園, 想看也變得難以登天, 要怪就只能怪無良的地產商, 變態的政府, 真的討厭加討厭.

全場我最愛這份大版書, 好靚, 數塊大木版, 原來是馬屎埔村用來建屋用的剩餘物資, 左面畫上鄉效, 右邊畫上城市, 好有對比性, 而且木質又靚, 好正的藝術品.

205位個泥人, 就是代表我們205個香港人簽名支持城鄉共生, 希望可以政府真的聽聽我們的聲音, 請不要再如此無情的對待鄉郊土地吧!!

沒有留言:

張貼留言