2015年4月11日 星期六

【嚇死!! 咁多人】12條蛇餅圍 Tsum Tsum @ 又一城 X LINE: Disney

Disney Tsum Tsum 一個app紅足年半, 威力絶對勁過當年的Candy Crush.


我去年6月也瘋狂迷戀日日 TSUM TSUM, 對於三分鐘熱度的我, 也玩足半年才厭倦, 老實說《LINE: Disney Tsum Tsum》真的好吸引.


2014129日, 日本版上架, 我始終覺得日本版較美版, 或香港版好玩好多.


因為日本版不定期有小遊戲, 當你開始玩到有少少悶, 又被限時的小遊戲吸引你繼續玩.(可能我祟日掛, 日本汽水好飲啲, 日本杯麵好食啲, 總知日本乜都好啲)


半年前乘搭地鐵, 你一定會遇到站在你旁邊有人齊齊TSUM.(曾經我就被人問過~E隻彼特點嚟喎…)


不過今時今日已經很少見這個情景, 只是阿太依然每晚等SY睡著後, TSUM TSUM TSUM至凌晨2時才願瞓.


(我老婆好勁架, 當年佢玩動物園玩足7, NDS年代到 iPhone 4, 再到Note2都堅持只玩 Zoo Keeper, 勁長情)


所以, 我以為「TSUM TSUM」人氣已過, 今日一家三口打算慢慢逛「TSUM TSUM」又一城, 誰知當我們一到達大堂...(!!唔係??)


就連SY也大叫:「好大隻TSUM TSUM...爸爸!點解咁多人嘅?(係囉我從未見過又一城有咁多人喎好犀利呀? 點解? 點解會咁嘅??)


商場設有4個不同的「TSUM TSUM」場景, 每一個地點, 又各有不同的擺設及影相位, 所以今日又一城, 完全被長長短短的人龍包圍住.


最誇張當然就是Pop-Up Store,一條隊排入場, 一條隊付款, 一條隊玩遊戲, 我只是想用兩個字來形容:「嚇鬼死」


今日很多背著TSUM TSUM 背囊, 穿著TSUM TSUM, 手抱TSUM TSUM公仔的忠粉到場朝聖.


(又話無人玩嘅?? 我覺得佢今時今日個勢, 好似仲勁過新出嘅Apple Watch好好好多喎!)


今次TSUM TSUM情景進佔又一城三個不同層數, 溜冰場的一層有部$40自動販售機, Tsum Tsum匙扣 (抵死到可以用八達通, 錯覺一嘟好容易, 買嘢7成就係衰衝動度橋位人兄抵升職)


同場有免費明信片派發, SY好高興, 因為他可以走遍三層, 到四個蓋章台打印留念.


不過原來大會原意是每星期派發一款明信片, 但有員工攪錯了, 於是排我前面的一家人一早已儲了三款...可惜, 到我時工作人員已發現出錯.(我都好想儲齊一套呀!! )


巨型裝置影相位的全部都是熱門Disney人物, 熟口熟面, 真的連排後面三歲小朋友都可以說得出名字.


至於當中秘技, 我家的一老一嫩就在排隊時不停研究「小飛象都好勁吖!!, 「胡迪可以攞高啲分, 「最水皮係隻兔仔」



其實, 玩了半年我也只是用同一隻米奇, 所以我對其他公仔的功能或分數不太研究, 不過, 在場發現, 點解有7個小矮人, 又有怪獸大學Fungus, 就算反斗奇兵隻青豆仔我都無見過…(係米我真係太耐無玩呢??)



1 則留言: