網頁

2015年3月28日 星期六

【地球熄燈一小時】水皮佬直擊跑出未來 @ WWF

朋友G:328號晚『地球熄燈一小時』一齊跑步西九囉」, 零運動的老仁登時「O嘴」:「我中學畢業之後從未跑過步, 近兩年被迫同SY玩捉依欣先叫跑兩咋」


朋友G:6km之麻, 行都係半個鐘, 好難得夜晚可以慈善跑, 仲係第一屆舉行添」, 聽介紹就確實吸引, 心諗:「行30分鐘又OK, 我日日都不停行商場架啦」, 於是便答應了.


結果, 數天前取了跑步裝備後, 愈來愈覺得害怕麥當勞愛心馬拉松都只是2km,我步行都要20分鐘, 點解6km半小時可以完成呢?? (好有中伏感覺驚驚驚過上台唱歌呀!!)


我叫阿太及SY來幫我打氣, SY極渴望的眼神:「我都想一齊跑, 唔想打氣呀!!(奇怪點解毫無運動興趣的我會生出活躍爆燈的小朋友呢?)


今晚845分開跑, 我們8時正步出九龍站, 沿途已有大批夜跑人士浩浩蕩蕩的前往海濱長廊.


由九龍站步行往海濱長廊起點, 已經不止2km, 當中還包括了約1/4的夜跑路線


今日早上我們過了灣仔, 中午又由中環行到上環, 老實說, 我未開跑, 雙腳已經想休息…(真係死得喇…)


830分維港熄燈不過並非全港所有地方也有響應, 起碼海濱長廊依然燈火通明, 講真絶對有點失望, 不是說好的要與「地球一小時」互相呼應嗎??


因為參加人數很多, 所以需要分批起跑, 當然認真的參賽者為數不少, 但仍有部份如我般的急步行份子不過我就經常被向前衝的選手撞過最少5-6, 他們真的如炮彈般飛馳.


原來跑到氣來氣喘的感覺也很不錯, 起碼可以暫時忘記工作的麻煩事與麻煩人, 不過望望時間, 原來急步行2km也要20分鐘喎


完全沒有競跑的我, 但四肢已漸漸無力, 雙腳麻痺, 呼吸困難, 於是由急步又變回緩步, 至慢步, 氣也喘不過來, 結果雙手撐腰, 連奶力也耗盡才能回到終點


今晚我們太遲到達, 起跑時找不到隊友, 所以與他們只能於終點才遇上, 朋友G:「點呀??」我答:「辛苦到死呀!!」阿太插嘴:「你真係水皮, 阿囝係草叢跟住你跑仲快過你



(大佬廿幾年無跑過步, 跑得郁, 仲有命返到嚟真係算偷笑啦!!...)雖然我跑得慢, 不過我寫Blog, 起碼今晚周身骨痛, 都仲出到文, 算係咁啦!!




沒有留言:

張貼留言