快將5歲的熊本熊近期很紅,
OK與TheONE齊齊合力發功, 其實這位熊本縣吉祥物真的很受歡迎, 平日的星期三, 商場內也有不少粉絲朝聖, 就知有幾紅.
露天廣場化身小農場, 提提你熊本縣最盛產就是蕃茄,
士多啤梨, 西瓜及柚…(聞說只要提一提熊本縣的資料, 可以連版權費都唔駛畀架)
除了農場可以扮耕田, 溫室又可以扮淋花, 絶對令你想即時去熊本縣睇睇真實的耕地及溫室.
中庭位置更加空前偉大, 就連SY看見也讚嘆:「嘩!! 好靚呀!!」我也忍不住「O嘴」…好大隻…有手有腳有口水肩的熊本熊呀!! (忽然覺得, 如果佢識得趷起身, 都真係大隻得幾得人驚)
設計這位營業部長的大員絶對非常之有頭腦, 傳說因為熊本縣盛產蕃茄、草莓等紅色特產, 所以部長食得多, 臉頰才會出現迷人的紅卜卜…
曾經兩年前某段時間, 部長的臉珠的紅色失蹤了,
因為他那段時間揀飲擇食喎…(勁..咁都畀佢哋諗得出)
其實, 香港人應該很有創意吧!!
但為何我們一個代表香港的吉祥物也沒有呢? 不要跟我說是TVBuddy…如果, 香港品牌…我想爆頭就只想到顏福偉先生的白花油興仔一個.
原來Kumamon忠粉真的會分辨出最最最正宗的部長呀!! 今天在Pop-Up Store, 就有一位女忠粉, 要求店員在倉內, 找來多隻部長公仔給她揀:「E隻個鼻歪咗, E隻大細眼呢…」(其實, 以普通人嚟講, 我覺得隻隻都一樣就真…)
在場今日聽到有人說:「Kumamon都拖住個行李喼喎…會唔會比人話佢「返大陸」呢??」對對對!! 今時今日, 真的不敢在街上拖住行李喼, 好似拖喼已經變成貶義詞一樣.
因為SY日日睇小丸子, 之前又叮噹, 又忍者小靈精, 所以他一見到部長浸溫泉,
就即刻大叫:「爸爸…我知佢做緊乜野…(做緊乜呀??) 溫泉吖麻, 即係沖涼囉」
(唔…我無答嘴, 因為怕有20個點解跟尾…有機會同你去浸一次, 可能SY就知有咩分別啦)…這方面, 日本小朋友幸福得多, 隨時隨地可以浸溫泉…(我哋最近都只可以返大陸浸, 不過上面乜都假, 話就話溫泉水, 其實咩水…真係阿水先知)
我發現可能我經常強迫SY影相, 所以他開始有點抗拒, 於是今日為了拒絕他「捉依欣」要求, 我就找他為我拍照…
原來這招非常有效, 他很專心為我無個場景影影影,
而我更發現他模仿我的習慣, 模仿得連我也覺得熟口熟面….
當中包括每影一張就撥一下閃光燈的蓋, 左邊影完, 右邊又補一張, 不停講:「等一等…側跟有人」, 「再影多一張」, 「要笑好啲呀」…
(哈!!真係照鏡一樣, 唔知SY大過, 會唔會似我咁乜都儲, 成個垃圾佬咁呢???)
沒有留言:
張貼留言