2015年3月7日 星期六

【Happy仔你好】開心樂園新朋友駕到 @ 麥當勞 McDonald's

一年一度麥當勞「開心樂園餐」聚會昨日舉行, 家中的薯條控小朋友, 聚會前兩個鐘就不停問:「行得未呀??快啲出門口啦!!(咁心急做乜? 行去唔駛5分呀老友)


早前我問PR姐姐:「今次係送咩公仔??PR姐姐電話答:「係全新人物, 好關於開心樂園餐嘅, 到時你就知(咁鬼神秘架…)


終於夠鐘入場, !!原來今次主角是開心樂園餐個盒, 加上有手有腳, 有眼耳口鼻的公仔, 名叫「Happy.


我跟SY:「佢叫Happy仔喎」阿囝不停拉 Happy仔的紙手, 紙腳:「假架喎唔係公仔嚟架, 係麥當勞個盒(我梗知係假啦比啲幻想力得唔得小朋友)


即場可以有「Happy仔」眼鏡借, 於是我們即時變成Happy仔影張靚相. (係喎!!點解今日無真人Happy??... 其實我唔介意有埋個紅色盒身比我, 等我扮埋!!)


而今次開心樂園餐絕對破天荒, 不送玩具, 313日起至42, 會與海洋公園合作, 每星期隨開心樂園餐送一本「親親大自然」兒童故事書. 所以今日活動就以閱讀為主題.


三本故事書包括「澳洲歷險記」、「比賽的意外收穫」和「魚別亂吃」.


即場當然有故事姐姐講故事, 原來小朋友由2歲至7, 一見到有人講故事, 就會聚精會神聽聽聽, (!!十個小朋友真係郁都唔郁)


故事姐姐說:「舉手」, 人人也即時舉手. (點解阿囝咁聽靚姐姐話呢? 我平時講「影相」, 有人一定反駁:「又影? 有咩咁好影呢?爸爸」)


另外, 313日起開心樂園餐有新食物選擇, 早餐加Mini雜菜蛋扭扭粉, 主餐加麥芝蛋飽, 配餐加士多啤梨乳酪.


正喎!! 從此有扭扭粉食…(SY流晒口水就係乳酪), 是不是小朋友都愛食乳酪呢? 可愛到不得了的小小豬, 享受乳酪的樣子和阿囝也似到不得了.


今日聚會, 我還遇到魚子醬, 集郵爸爸當然不放過任何機會. 一望到2歲半的魚子醬, 乖乖坐在梳化上, 就令我回想起當年2歲半,  SY第一次參加N班同學仔, M記生日會的小BB模樣. (時間駛唔駛過得咁快呀??)



最後當然要來一幅大合照, 全員齊齊扮Happy仔啦!!


沒有留言:

張貼留言