2015年3月18日 星期三

【世外桃園】荔枝角的隱世天堂 @ D2 place

相關網誌: 【福岡限定】Q爆Donut~士多啤梨版 @D2 Place 

同事:「荔枝角工廠區都可以輕輕鬆逛半日」 (吓!!唔係化??), 在亳無期望下, 原來這個「零」大型連鎖店的商場, 真的好好行.


這個已經開業年半的D2 place, 我在地鐵站問職員位置, 她答:「哦! D2 place, 就係D2 出口囉!!(真係驚喜喎, 個名都改得咁正)


可能還不是太多人知道...工廈活化出來的這個地方, 所以, 今日人流不太多, 而且我更發現D2 place有兩大我最最最愛的賣點


如果你有時間, 可以帶外賣, 走到D2 place天台(11), 超正超大的空中花園, 任坐任Hea任玩, 簡直世外桃園一樣, 最重點是花園絶對對外開放給香港人, 正爆!! (包保一定無拖篋黨出沒)


另一個賣點, 就是三樓的「漂書角」, 免申請, 免預約, 重點是「免費」, 你隨時可以拿走書架上任何一本書, 睇完有時間才還回D2 place.


我覺得最完美, 當然是揀到心水書, 便走上天台花園慢慢嘆!! 荔枝角的隱世天堂誠意向你推推推!!


當我嘆完空花園的清新空氣後, 便走到2樓創作天地這裡一連五天(18-22), 正正在舉行一個日本祭的活動.


當我一步入大堂, 現場有位美少女正大唱日文歌, 我最初還以為播CD, 原來是她正唱現場.  (激死我!! 我以為佢會唱好耐, 所以去咗畫畫, 結果返轉頭佢就走咗哎呀!!我本來想同佢傾吓計架…)


同場還有Art-Jam可以即場報名即場玩, !! !! 我今日沒有報名, 「搗亂仁」只是請Amy將她的不滿意作品, 給我亂畫一通, 我估不到Amy又肯喎


原來Amy與朋友有畫廊工作室, 今次只是過來D2擺檔五天當宣傳. 除了畫畫還有馬塞克玩.


Amy好溫柔說: 「你有時間都可以同你囝囝嚟玩吖, 因為我哋最大年紀嘅學員有90, 最細就3(好呀不過點解Amy要同我講90歲都去學呢??...唔通我個樣真係老得咁緊要??) 


轉個位置, 竟然又有人在示範用布及絲帶, 手造日本傳統藝妓頭飾. 這正正是當年阿太去京都分藝妓時插在頭上的一模一樣喎.


導師Mao:「我係上網自學架咋, 因為我造開西式結婚用嘅頭飾, 日本祭米要配合一下囉」(點解手作人可以咁勁?? 就咁睇下Youtube就學識, 畀我真係老師捉住我隻手教都未必識呀!)


Shirley本來主力從事手作布袋, 頭飾, 電話繩, 「本來兼職做吓手作當興趣, 做咗差不多十年, 不過2年前辭咗職, 所以就轉營入日本貨, 韓國貨」



因為代購生意很忙, Shirley已經沒有時間再造手作, 她也表示有少少可惜, 但沒有辦法, 因為客人9成也以代購為主, 當然就是「搵食」為大前題吧!!


由韓國入貨的玻璃菇菇是Shirley近期最愛的貨品, 「我覺得好得意, 細細個, 裝下髮夾都幾好, 不過有客人就嫌細個得滯」(我都覺得靚, 真係如果再大個啲就更加正)

今日竟然撞到我曾經傾過計的「環保變色Tee」檔主, 不過, 今次阿樵不在, 只有Helen打守大本營.


原來他們已經發展到於灣仔碼頭開了自己的專門店, !! 愈來愈成功, 真的恭喜他們.


其實, 灣仔碼頭搬了到旁邊新位置後, 我也沒有去過, 看來真的要搵天去行行, 順便探探阿樵的專門店.

另外, 二樓另一邊更有一個「香港手作」的舖位, 專為本地手作人作寄賣的地方.


Martin介紹他們最熱賣的手作品, 「由台灣入材料, 又勁鍾意台灣文化的貓手工皂(真係成隻貓手掌咁架喎, 幾攪笑!!)


由新鮮橙, 新鮮辣椒加工做成的頸鏈, 「本來仲有檸檬架, 不過賣咗…(??乜得一件咁少?)…係呀創作嘅Mandy話一個檸檬都只可以做到1-2, 所以賣一個就要等佢補貨」


而最吸引我就是扮當年菲林的相片架, 因為我當年真的有儲菲林筒, 還不同牌子, 不同顏色, 儲了近50可惜, 後來搬屋又全部不見了.


當年覺得自己頗犀利, 因為影響到隔離同學也一齊儲菲林筒. 不知「他」還有沒有繼續收藏呢? (唔好意思其實我連「他」叫咩名都唔記得咗, 可想而知幾耐世紀的事情啦)




D2 place真的正到不得了, 逛得舒服, 檔位及店舖夠獨特, 而且最重要無Uniqlo, Nike, Adidas, 周大福, IT, Starbucks…其實, 香港有一個海港城都嫌多啦!!




沒有留言:

張貼留言