【垃圾佬救星】叮噹~我好想你返屋企

自從上個月, 大叮噹被我送到安全地帶後, 我家的「叮噹煞手」不停問我:「多啦A夢幾時返?」, 「我好掛住多啦A夢...」, 「爸爸快啲叫多啦A夢返嚟啦」

(詳情: 【垃圾佬救星】年尾大清洗 屋企多返好多位)

我本來以為一勞永逸, 但原來我家的小朋友已變成了大雄, 不能活在沒有叮噹(被他虐待)的日子裡...(我會唔會禁室陪育出一個虐待狂呀!!有啲驚喎)

為免繼續被疲勞轟炸, 於是我決定把Call叮噹回家, 不過, 我竟然發現了一個大問題...

原來當日我將大叮噹連同其餘4個Airbox 送入倉之時, 大頭蝦的我並沒有逐一記下號碼, 又沒有關蓋前拍下相片, 所以, 我根本不知道那個箱是叮噹.

於是, 今日唯有難為了送箱哥哥, 一次過送回五個Airbox給我們吧! (唔好意思..辛苦晒)

同時因為我上兩日前登記了『愛心・入箱』上門收集玩具行動, (大家亦可報名將舊玩具捐贈有需要小朋友呀!).

於是我便將取回Airbox的時間, 填寫與『愛心・入箱』上門時間相同, 實行一次滿足兩個行動.

因為, 我登記了中午12:00-13:00時段, 所以, 當日SY一早就非常興奮, 不停留意我的手提電話, 當手機一響, 就9秒9趕去開門, 我大叫:「唔係呀!!佢打嚟問爸爸借唔借錢咋, 唔係哥哥嚟呀...」

到12:15, 真正Airbox哥哥來了, SY就一支箭跑出走廊迎接...

小朋友一見6個Airbox, 即急不及待嘗試充當大隻佬, 將Airbox搬入廳, 就連Airbox哥哥也說:「好重架喎...你小心啲喎」(佢做樣架咋, 佢攞個書包都話重架, 最後當然係我搬啦!!)

競猜遊戲...究竟小朋友開了多少個Airbox才開中叮噹呢?? 1, 2, 3...

答案是第三個, 當他一打開, 發現久違了的老朋友, 即時將叮噹抱到實一實:「多啦A夢 (高8度聲線)...我真係好掛住你呀...你終於返嚟喇...你真係好舒服呀」

(你隔住個袋攬都覺得舒服咩?? 係咪鍾意得咁交關呀?)

因為叮噹回歸, 於是變出一個吉箱, 所以我們將多年來於日本及香港自製的十多個手繪杯麵入這個箱.

又潮濕又悶熱的天氣, 我發現過去7年我們造過的杯麵, 雖然密封, 但疑似有漏粉情況呀...希望放入恒溫環境, 可以不會繼續惡化啦...(好似好笠黐黐, 我好唔捨得掉咗佢哋呀)

最後, 因為我們手腳太慢, 為免Airbox哥哥等得太久, 於是我叫SY快快將要捐贈的玩具放入收集箱.

慢條斯理的大少爺還要探頭出走廊, 看看哥哥是否仍然存在…SY:「係呀!! 哥哥仲企係電梯出面等緊…無走到」(我梗係知佢未走, 所以先叫你快手啲啦).

今次的Airbox哥哥較上次的怕羞, 專心工作, 不願上鏡...

今次, 我終於記得, 抄下每個Airbox的號碼, 並關箱前拍下一張相片. 之後晚上就「懶細心」逐一上傳到網站. (嘩!好分門別類, 哈~哈~忽然覺得自己好有系統呀!!)

送上門的儲存空間 :http://www.airbox.hk/

大仁生活facebook