「牛棚」一要注明是土瓜灣的「牛棚藝術村」, 因為我今日跟SY說去「牛棚」玩, 他答:「屋企樓下食麵嗰間??
有咩特別呀??」
想不到一別7年, 這20世紀紅磚式建築, 依然靚靚健在, 真的感動…香港還有一點地方, 可以107年維持原來面貌, 不變而美麗. (變也是對面十三街的舊樓外牆翻新了而已)
跑來跑去當然就是SY最愛的活動, 我未來之前也猜到這位精力充沛的小朋友, 一定會在空曠的地方亂跑,
我猜不到是今日牛棚, 竟然連10個人也沒有.
今日「流動的影像」在牛棚舉行展覽, 反正免費, 我們便”步入看看, 還未進入房間, 小朋友已經手震震的說:「驚唔驚架??」(放心..日光日白一定無鬼…夜晚就難講, 話晒之前死過咁多隻牛…)
內裡有兩位藝術家的擺設, 其中一位放置了超過25部舊式電視, 同一時間不停播放, 有韓國, 中國, 美國…等地方…(唔問人根本唔問做緊乜)
原來工作人員解釋, 創作人收錄了踏入2000年的最後一晚, 25個不同地方的電視節目, 原來同一時間, 但不同地方, 有人開心, 有人結婚, 有人發生意外, 有地方準備放煙花, 絶對喜怒哀樂齊全.
所以, 我絶對相信地球另一端, 一定有另一個大仁, 可能我在捱, 他就在嘆, 當我在玩時, 可能他又在撐.
(不過, 點解無香港?? 1999年12月31日夜晚23點, 我做緊咩呢??? 好似係米係銅鑼灣行嚟行去等倒數呢??真係完全唔記得晒…)
離開25部舊電視, 準備轉入另一間黑房期間, 小朋友大叫:「好驚呀…我唔敢入去呀…」於是變成我一個人入內.
呀!! 張曼玉呀!! 古裝張曼玉不斷在飛…我以為是東邪西毒的張曼玉舊片段, 原來是創作人2010找來張曼玉客串的短片.
話說是關於有中國非法勞工死於英國的故事, 再串連歷史與神話, 張曼玉就是當中的仙女…雖然我不明白張曼玉為何肯客串, 但我認真有衝動想去看這套
Better Life (Ten Thousand Waves)
當我走出展覽館, 又見小朋友在玩, 哎呀!!他踏在疑似糞渠上急步行, 我大叫:「屎渠你都係上面行呀??」阿太即時講:「一睇就知係畀當年啲牛飲水嘅渠啦…點會係屎渠呀…哥哥」(係咩…可能我滿腦子都係屎尿屁掛)
臨走前, 阿囝在看一些招紙…我拍了一張「牛棚」的照片…回家一看, 原來牛棚還是默默的有所改變…第一幅圖, 及這幅圖便有明顯分別…
沒有留言:
張貼留言