【大吉大利】最高傑作物「蜜柑」的胎記 @ 日本和歌山

這是一個舊故事, 一個發生在農曆新年的故事... 話說一向崇日又迷信的我, 年初一想好意頭, 於是就買了一盒「大吉大利」到父母家拜年.

點解會看中這盒由「和歌山」而來的「最高傑作物」呢? 因為當日年三十晚, 我在現場發現最少有三人同時在搶, 於是我即時上網查查, 究竟這是乜東東. (咁多人爭??)

www.cocopri.jp

原來在日本也賣290日元一粒, 更寫明糖度有13, 即100g有13g糖的吉. 以當日匯率計0.65, 即是我在日本買一盒也要$282, 今日在香港買還要便宜$15. (唔駛講嘢...即買啦!! 咁著數, 真係機票錢都慳返呀)

其實我從未買過$19一粒吉, 真的頗貴, 不過, 和歌山蜜柑全日本產量第一喎, 要食…當然食最好啦, 而且新正頭, 食個大吉甜頭, 估計今年一定會大吉大利啦!!

打開包裝盒, 15粒吉全部獨立包裝, 不得不佩服日本人的心思. (食個吉都咁鬼講夠, 抵畀你賺啦啲錢)

(我唔客氣啦!!)...即時打開包裝, 為「蜜柑」剪彩. (無錯!!一分錢一分貨, 真係香噴噴)

一放入口, 多水又多汁, 超甜, (甜正好似個吉識得望住你笑咁! 非常正), 一向不愛吃橙的小朋友, 在不斷遊說下, 食完第一瓣, 也不抗拒再食第二瓣. (奄尖大少也不停食生果,真係$30一粒都抵!)

不過當我們正想添食之際, 晴天霹靂的事件出現了...點解有5個「蜜柑」有如此大的胎記, 發霉呀!!...我只是買了一晚, 又有放入雪櫃喎.

哎呀! $26.8食一個酥皮蛋撻大細的吉, 今次真係買「貴吉」啦!! 今年必定會大吉大貴吧...(以後密封, 再加獨立包裝嘅生果, 都係米再攪我)

大仁生活facebook