【嚇死人咁大】成半個人咁大包 ~ 卡樂B熱浪

嚇死人!! 昨日經過OK, 竟然看到一包半個SY高度的卡樂B薯片, 好想買, 不過當時一袋二袋沒有手再買, 於是擱置…

心思思…今日放工走去百佳, 華潤萬家, 以為可以買到更便宜的超大包薯片, 誰知一間也沒有…於是又走回OK, 乖乖付款!!

嘩…哈哈!! 相隔一日…竟然由昨日$76.5, 自動減價至$69.9. 簡直天助我也, 上天也提示我:「唔買唔得啦今次」

(付款期間, 有排隊客人細細聲以為我聽唔到…乜咁大包薯片都有嘅…熱氣死呀!!...車!!我飲多幾包夏桑菊米得囉)

回家一開門, SY見我抱著一大包東西便問:「咁大包咩嚟架, 咩20呀??」 我說:「影完相你幫我開吖, 佢話有小禮物送比你喎」

SY一聽到有禮物好高興, 影完相就剪開大包裝袋, 之後逐包逐包薯片拿出來…

我說總共有十包, 及一份禮物…於是他便慢慢數…到取後大叫:「呀!!真係有禮物喎…咩嚟架??」

(車…幾搵笨) 我以為起碼有一個卡樂B鎖匙扣吧…誰知竟然「慷慨」得一塊眼鏡布…(薯片同眼鏡布…真係點諗都諗唔埋)

阿太:「十包只係得一包好食, 其他比都唔會買嘅, $70蚊買一包薯片, 浪費金錢」 (我每晚寫Blog嘅精神支柱嚟架…不知幾有效, 點會浪費呀!...不過, 如果送份禮物大份啲, 好似無咁被搵笨掛)

大仁生活facebook