2015年2月21日 星期六

【追追趕趕高高低低】全港TOP3最好玩兒童遊樂場 @ 屯門老鼠洲

朋友知道我們來屯門就建議:「帶SY去老鼠洲玩啦!佢一定鍾意, 啲人話係全港TOP3最好玩遊樂場」


(老鼠洲嗰名咁過癮, 好呀!好呀!~我最初仲以為TOP1 TOP2係迪士尼同海洋公園添)



由兆麟輕鐵站步行到老鼠洲, 不用5分鐘, 十分方便, SY:「爸爸係米好多老鼠架? 我好驚喎」(我話老鼠米奇你都唔驚啦, 老鼠洲駛乜驚呀!)


上網找資料, 原來當年屯門未填海前, 這裡是一個島嶼, 名叫老鼠島(),1985年填海連接後, 便變成兆麟苑及恆福花園.


老鼠洲兒童遊樂公園, 其實很適合小朋友「放電」的地方, 最好就是這裡的小朋友很主動, 短短20分鐘, 就有兩位小女孩主動上前與SY「捉依欣」.


本來我以為可以「甩難」, 誰知SY不停叫:「爸爸陪我啦!!, 連小妹妹們也沒有嫌棄叔叔年紀太老, 「今次你捉, 下次我捉」(??) 結果, 我今日的運動量是我整年的總和.


我發現除了小朋友不停走走走, 還有年青人跳跳跳, 難怪當初我也奇怪為何地下會有兩張床褥.


!!因乜差事跳跳跳呀!!跳跳跳特練呀! 不過, 訓練來有何用途呢? 莫非新年有表演? 不過幾位年青人真的跳不停, 精力旺盛過我個囝.


高高低低, 因為老鼠洲是以一艘中式帆船設計而成, 我今日真的走到氣來氣喘.


小玩意的東南西北, 原來每位小朋友也天生一到前面,便轉一轉箭頭, 我問SY點解次次你走到嚟都要轉一下? 「梗係要啦!! 你無轉嘅咩? (點解要轉呢?) 好玩囉!


大斜樓梯簡直如鐵人耐力賽一樣, 6歲的小朋友拉拉拉爬爬爬, 上了船頂, 4歲的小妹妹害怕:「我上唔到, 我好驚呀, 我行樓梯」.


轉眼間她又真的由另一邊上了船, !! 小朋友不論男女, 不論年齡, 為何也可以走得那麼快? 而且一點氣喘也沒有, 認真甘敗下風



今日, 我情願選中被捉, 因為我可以躲在船尾後歇息, 朋友說:「可能你生兩個, 有人陪佢玩, 咁阿囝就唔駛要你陪囉」(原來真咁嘅咩?哎呀...真係知得太遲喇)



跑了70分鐘, 再加時15分鐘後, 朋友要回家, 我們也有藉口要走, (Yeah!!脫苦海啦!!!) SY當然非常不捨得, 我們與剛剛來的小妹妹道別.


想不到這位手持氫氣球的妹妹竟然對SY:「我聽日都會嚟玩架, 放假都會嚟, 下次再一齊玩啦!! 拜拜」


(!! 我忽然覺得E刻好倆小無猜, 好浪漫咁...不過點解從來都無人同我講「等我」嘅呢??)



下次要阿太陪「捉依欣」好了, 我對腳第二朝起床時不停抽筋抽足3, 叔叔太老了.


沒有留言:

張貼留言