網頁

2015年2月6日 星期五

【樓上藝術】手作市集日日逛 @ 山東街 tgt + 慧惠

原來, 旺角山東街開了一間樓上手作市集店, 今日星期三, 估不到毋須等到周末, 一樣可以狂逛市集喎.


百祥大廈正正就在山東街與女人街交界, 不過現場無招牌, 樓梯又被擋, 我錯過了, 返轉頭, 原來就在找換店旁邊行上三樓.





一步入店, 空無一人, (我還以為在玩甚麼空城計??) 原來負責人Nicky到了出走廊「呼吸」. 室內有三個長枱, 正擺放了20位手作人的寄賣作品.


!! 我第一眼就看到朋友阿Jeff的煲呔, 但不見他們的愛貓皮皮, 及麼麼的款式呢? 後來我致電Jeff, 他說因為不夾tgt的環境, 所以沒有拿過來喎.


我看中了大森林的姆明, 好大自然的玻璃瓶, 我之前在HMV也見過, 有菁苔有樹有長短長短綠草, Nicky推介「好正架!!唔駛淋水, 唔駛開蓋, 又唔駛曬太陽啲草都唔會死」(絕對是我這個懶人的恩物, 必買)


tgt同時為多名大學生舉行一個關於雨傘運動的展覽. (毛澤英個髮型真係襯晒佢啦!!)


Nicky解釋「我哋開咗3個月, 大約每個月都會舉辦一個展覽, 上個月就有一位插畫師《慧惠》的個人展覽」我答:「慧惠...唔好意思, 唔識喎...


當我還未說完之際, 慧惠就突然從中間房門走出:「係米叫我?(? 嚇死, 我以為拍緊《愛‧回家》肥皂劇, 好彩我無亂講嘢...)


原來, 任全職插畫師只有三個月的慧惠, 因為佔領運動, 所以辭去設計師工作, 走到街頭記錄低當時情況


慧惠:「我最鍾意, 最花時間就係畫信和門口的圖書角, 好有Feel, 幾何馬路會有個咁舒適嘅地方畀你坐低睇書吖」(E...我都曾經坐係圖書角十幾日喎, 唔知有冇畫到我呢?...我搵過, 係無!)


慧惠說最難忘就是畫畫期間, 認識了一位渡船街單車舖鍾老闆, 他還邀請慧惠到單車舖繪畫及傾談. (正喎!!油麻地榮興, 淨係睇慧惠畫到鍾先鍾太的浪漫修單車情景, 我決定下星期都要去傾計.)


慧惠點解會在tgt有一個工作室呢? 八卦的我當然又打爛沙盤...原來答案很簡單, 因為她的男朋友就是tgt的五個股東其中之一.


插畫師也要搵食, 所以我還是不阻礙慧惠工作其實辭去討厭的工作, 做自己鍾意做的事, 好羨慕慧惠的瀟洒!!


當我和慧惠傾談期間, 本來是舞台創作人的Nicky正彈著結他自娛, (!! 好鬼好聽, 而且我剛剛還以, 何來墊底音樂添 )


本來想攪一個本土GalleryNicky, 但因為檔拍指現階段比較困難實現, 於是就變化成為本地手作人寄賣物品, 以及一個月舉辦一個小型展覽的地方.


我問Nicky為何不繼續創作舞台劇呢? 原來他又有一段故事...2011年《我也想念你》, Nicky身兼導演, 編劇, 故事為Nicky的真人真事, 講述他與一位已故的中學老死的回憶.


自此無法抽離的Nicky, 決定暫時擱置舞台劇, 於是就和四位朋友合作tgt. Nicky有點感觸:「我細個睇飄零燕都喊架!!(!!我都好怕睇喊苦喊忽劇, 飄零燕好怕, 睇下薛家燕好過)



Nicky希望結集tgt展覽作品, 暑假會報名參加Affordable Art Fair, 如果成功, 明年就可以為多位本地創作人, 在會展舉行展覽.


 (! 好玩喎, 原來會展每年都有一個Art Fair, 不過本地創作就未贏過, 我都好想香港人今年會贏呀!!)


沒有留言:

張貼留言